[B:53b] rgyas nas sems can gyi bar gyi gnas tshul 'di lta bu zhig tu 'dug brjod par bya ba ldog pa ste/ sems kyi spyod yul ldog pas so/ zhes bya ba la sogs pa dbu ma las 'byung ba'i bshad pa thams cad kyang 'dir 'jug cing / de bas kyang 'dis khyad par du gyur pa yin par/ dgongs pa la sogs pa gsung rab dang rjes su 'brel ba'i thugs kyi rnam par dpyod pa shin du mang bar yun cung zad de'i ring la 'khrungs te/ nga'i de rtogs pa ni min/ shin du gsal ba zhig shar ba ni yin zhes gsung la/ de dag las kyang mchog tu gyur pa gsang ba bla na med pa'i tshul las 'byung ba'i zung du 'jug pa zhes bya ba'i sgra bo che gang yin pa de yang da gzod 'bras bu'i dbang du byas pa min par chos thams cad kyi gnas lugs su gtan la phab nas/ byis pa so so'i skye bo tha mal pa dag gis kyang nyams su blang du yod par rgya cher gsung rab kyi sgo nas ston cing / nyams myong cung zad tsam dang ldan pa dag la'ang de nyid kyi steng nas yang dag par ngo sprod par mdzad de/ de yang tshig skam po bzung nas gsung ba ne tso'i 'don pa lta bu mdzad pa ma yin/ rang nyid kyis thugs su legs par chud de rigs pa dang bcas/ lung dang bcas/ nyams su myong ba dang bcas nas legs par gsung zhing / bsgal lan gyis kyang gtan la dbab par bzod pa yin pas/ de'i tshul la'ang yang dag par bzod pa thob pa nyid yin mod na'ang de dag gi phyogs ni gzhan gyi blor mi shong [A:127]dogs mdzad na sa/ go ba yin zhes 'doms la/ thugs su byon pa'i yon tan gyi khyad par thams cad kyang zung 'jug gi lta ba mthar thug pa rtogs pa de'i dbang las byung zhing / lta ba'i phyogs mthong tsam min par shin du byang ba chen po thob te 'phral gyi sku'i spyod lam thams cad kyang lta ba rnam par dag pa'i dbang du gyur pa kho na'o/ gsung rab kyi tha snyad pra mo dag la 'jug pa na'ang mda' bzung bas gzhu shor ba'i tshul du mi 'gyur bar/ des lta ba ches gsal bar byed cing / lta ba'i dbang gis de la 'jug pa mthu dang ldan pa nyid mnga' ba yin/ lta ba de yang chos thams cad