[B:53a] po sems kyi rang bzhin 'od gsal ba'i don la thugs kyi nges shes yang dag pa skyes nas / de'i chos skad phra zhib rnams skad cig la mkhyen/ sngar glan ston rdo rje 'od pos sbyar ba rnying ma'i bsdus par/ bden gnyis ldog thub bshad pa la thugs ma mguyang / de nas bzung ste de la thugs dgyes par byung / chos thog de grol rting rtse thang du byon pas/ gong ma grags pa 'byung gnas kyis/ rje 'di gsung rab tha snyad lo rgyus mtha' dag la rnam dpyod yangs pa thams cad la thugs 'jug cing 'bel gtam mdzad tshul la dgyes nas/ phyag phyir 'khor mar bzhugs dgos pa byung bas/ rang gzhan gyi don la gnod par dgongs te/ rgya nag ri bo rtse lnga la bzhud par brtsams yang stabs ma 'grigs pa'i 'tshams su/ tsa ri skor du byon chog pa grub nas/ gnas nang dang dwags por yun ci rigs su bzhugs te/ dgung lo zhe dgu pa lcags pho spre'u'i
1440lo
ston mjug slar dbus su phebs par bzhed pa'i tshe/ sgam po mjal du phebs pas/ sgam po'i rgyab ri brag de rnams kyang gnod sbyin chen po dag gis lag na rin po ches yongs su gang ba'i snod thogs te sgam po'i phyogs su 'byor ba snyam byed pa byung ste/ gsal snang can ni min gsung / rje sgam po pa'i sku 'dra'i drung du byon pas/ pha zad nas dngos su bzhugs 'dug dgongs pa byung / phyag dang mchod pa phul nas/ zangs lung du bzhud pas/ 'jags spyil nang gi rje btsun mi la'i sku 'dra bzhugs pa'i spyan sngar phebs pa'i dus su/ rje btsun dngos rang du gzigs/ de ma khad sku 'dra rang du song / dpal phag mo gru pas chos nyid kyi bden pa gzigs pa'i sa de'u shar ma'i stengs su/ 'dir dpal phag mo gru pas bden pa gzigs pa yin dgongs pa'i thugs kyi dad pa'i [A:126]stobs lhag par rgyas bzhin pas phebs te/ re zhig gi bar du bzhugs nas dgongs pa legs par btang bas/ de bzhin gshegs pa'i snying po sems rang bzhin gyis 'od gsal ba 'khor 'das thams cad kyi gzhi bo gang yin pa de'i gnas tshul thugs su ji lta bar byon te/ sangs