[B:5a] chos kyi rjes su 'brang ba'i rigs sad de mdzad pa thams cad la thugs kyis nges par brtags shing dpyad pa sngon du 'gro ba yin te/ de yang dang po rtse thang du gra skor mdzad pa'i rjes de la da de mdun ma ji 'dra zhig mdzad pa legs dgongs nas thugs kyi dpyod pa hur thon pa 'khrungs te/ kha cig slob gnyer byed par 'dug kha cig nor sgrub par 'dug kha cig dpon la rten nas mi tshugs sgrub par 'dug ste/ da ngas nor yang mi sogs/ lus la shed mong med pas dpon cig la rten pa'i mi g.yog kyang mi pher bas/ dpe cha shog gu kha yar re lta ba 'di 'ong yang 'ong / legs kyang legs par 'dug pas thag rbad de bcad pa yin dus phyis kyi yon tan thams cad kyang sems kyi thag chod de kho na las byung ba yin/ de nas res brtson 'grus chen po ma brtsams par sos dal du lus/ res dum re lta rtog byas te sems de gcig pu'i drin gyis yon tan thams cad byung ba yin pas khyed rang rnams kyang ci 'ong legs par sems dgos pa yinazhes gsung ngo /
6 mkhas shing grub pa'i skyes bu drug bcu rtsa drug la brten nas thos bsam phyogs med du mdzad pa ni/
rab tu byung nas lo gsum gyi bar du dbyar yum gyi las grogs re tsam mdzad pa ma gtogs spyan g.yas su khu bo slob dpon sang grags pa'i sar bzhugs te/ byang chub sems dpa'i spyod pa la 'jug pa la thugs legs par sbyangs/ slob dpon shes rab dar ba zhes bya [A:11]ba'i skyes bu dam khro rnal 'byor yan lag drug pa/ sku nyams su bzhes pa de la'ang spyod 'jug gsan/ de dus dbang grags pa rgyal mtshan bsnyel ba'i sku rim la spyan g.yas pa rnams kyi phogs blangs nas sman bla mang du gtong dgos byung bas dang por tshar kha yar cig dpe thog nas btang pas thugs la zin nas slob dpon sang grags pa'i dbon po 'di shes rab can zhig 'dug ces grags/ ston pa dbang 'od na re drung pa 'di dang po nas thugs rab che ba rang cig yod pa yin/ nged btsun chung tshes gyi dro skyo bsangs byas nagla khyams su phyin pas khyams kyi rtsig ngos la shes rab snying po bris yod pa de bklags pas drung pa 'di na re/ ha ha ngas blo la