[B:4b] dpon gyi sar bzhugs pa'i dus su mkhan po zhus shing slob dpon la sogs dge 'dun gyi dbus su rab tu byung ba dang dge tshul gyi sdom pa legs par mnos/ dgung lo bcu dgu bzhes pa lcags pho stag gi lo
spyi lo 1410
la/ yar lung dpal 'bar yang rtse na sngar gyi mkhan po de nyid dang / mkhan chen rin po chergyal bzang pa/ sku che na'ang thugs shin du mnyen zhing las chog byang bas las [A:9]kyi slob dpon du gsol ba btab/ bla ma rkyang chen pa la gsang ston zhus/ de dus btsun pa'i mthar thug pa btsan thang pa tshul yos la sogs pas las kyi kha bskang ste slob dpon bsam bzang pa dang dpon slob gnyis kyis bsnyen par rdzogs pa mdzad de/ nyan thos kyi theg pa la zhugs pa yongs su rdzogs par gyur to/ chos rje de bzhin gshegs pa karma pa sprul sku chos dpal bzang po dang / shangs pa kun mkhyen pa dang / paN chen ba na ratna'i drung du byang chub mchog tu thugasabaskyed cing / chos rje gung snang ba la bde mchog dril bu lus dkyil gyi dbang bskur ba nod par mdzad pa'i tshul rgyas par 'og tu bshes gnyen so so bstan pa'i skabs su 'byung ba bzhin no/ /phyis rje rin po che'i gsang sngags lam rim na dang por phyi dkyil du ma zhugs par lus dkyil du zhugs mi rung zhing zhugs na 'gal ba chen por gsungs 'dug pa gzigs pas cung zad go rim nor 'dug dgongs na'ang / rje rang gis kyang dang por gsan pa'i dbang de dril bu lus dkyil du 'dug gsung / gsang sngags kyi dkyil 'khor du zhugs pa'i thog ma ni de'o/ de ltar sdom pa gsum yongs su rdzogs par thugs rgyud la mnga' zhing nyes ltung phra mo dag kyang mod la sbyong bar mdzad de mdor na kha na ma tho ba'i skyon gyis ma gos par bzhugs so/ /
5 sngon gyi dge ba'i bag chags bzang pos rigs sad pa'i skyes bu chen po zhes bya ba ni/
spyir theg pa chen po'i rigs sad/ khyad par sangs rgyas kyi zhing phyi rol yangs pa mngon par rtogs pa 'gyur ba'i rigs sad pas nges don gyi chos skad thams cad kyi klong rdol/ mdo sde zab mo rnams kyi [A:10]drang ba dang nges pa'i don rnam par 'byed pa la thogs pa med par gyur pa yin mod kyi/ 'dir dngos su brjod par bya ba ni 'phral gyi mdzad pa thams cad stabs yags kyi dbang gis byung ba ma yin gyi