[B:54a] kyi gnas lugs 'khor ba'i chos thams cad kyi gnyen por 'gyur ba/ mya ngan las 'das pa'i phyogs kyi yon tan thams cad kyi bskyed pa po yin par thugs su byon par snang gi/ gang zag gis lta ba phar skyong dgos / lta ba de gzhan gyis bzung ma bzung dang de la skyon brjod pa la sogs kyi nyon mongs pa bskyed pa/ rang gi ngo bo mu stegs byed kyi kun brtags pa'i bdag lta bu de 'dra ba ni ma yin no/ sgom chen pa sar bu kha cig rnam par mi rtog tsam gyi lung ma bstan de lta ba'o zhes smra ste/ de las 'das nas gnas tshul shes pa'i shes rab la ngo sprod/ kha cig rjes su dpag pas gtan la phab pa'i rang bzhinamed par shes pa de mchog tu smra te/ de yang lta ba btags pa bar ston par mdzad/ yang kha cig gsang sngags bla na med pa'i skabs su'ang stong pa nyid kyi gzugs brnyan chos can/ bden par med de/ zhes bya ba'i tshul du dpyad par 'dod mod kyi/ stong gzugs mthong ba de nyid sems kyi gnas lugs mthong ba yin par bzhed/ 'dus pa smra ba kha cig zung du 'jug pa 'bras bur skyel te/ de yang lta bar ngo sprad nas las dang po pas [A:128]kyang nyams su blangs chog par ston/ kun mkhyen jo mo nang pas las snang dang ye shes kyi snang ba zhes so so ba rigs mi gcig pa'i chos gnyis bsres nas bzhag pa skad du gsung ste/ las snang 'di nyid ye shes kyi snang ba'i 'khyag par tha snyad btags te ye shes kyi snang bar ngo sprod/ las dngaye shes kyi snang ba'i tha snyad mi bzhed pa yang min te/ chu dang 'khyag pa'i ston par mdzad cing / ji srid rang dang gzhan/ snod dang bcud zer ba de srid du de'i tha snyad bzhag ste de nas ni ye shes kyi snang bar ro gcig gsung / sngon byon pa'i dge ba'i bshes gnyen rnams las grub chen yu mo'i gsung rab rnams dang / dpal sgam po pa slob ma dang bcas pa'i gsung rnams dang / grub pa'i dbang phyug nags kyi rin chen gyi gsung rnams dang / byang chub sems dpa'i 'grel pa rnams dang / 'dus pa sgron ma gsal ba la sogs pa dang / 'jam