[B:54b] dpal zhal gyi lung la sogs pa dang / zab mo'i mdo sde du ma rnams dang / gsang sngags snga 'gyur gyi skor mang po la sogs pa 'gal med du yang dag par bstan par mdzad pas/ bsgoms pa las byung ba'i nyams myong dang gsung rab zab mo rnams don cig par sbol te gsung ba la/ / 'gran pa'i zla thams cad dang bral sems so/ gzhan yang yun du bsten pa'i 'khor dang / mched grogs shes rab phun sum tshogs pa dang / mos pa rnam par dag pa dang / pha rol du phyin pa dang / rgyud sde'i phyogs la yangs pa'i blo gros kyis dbang bsgyur ba dang / dben pa'i gnas su bsam gtan pa dag sus kyang sku yon tan gyi gting mtha' rtogs nas 'di tsam mo zhes tshad rnam par bzhag pa ni med kyang / rin chen sgang pa dpal chos kyi grags pa zhes bya ba'i dge ba'i bshes gnyen skyes bu dam pa las kyang ches [A:129]dam par gyur pa de'i zhal nas ni/ byams pa gling pa'i sku yon tan de la rgyas pa zer/ khong gi 'di la smin pa zer ba yin gsung ba dang / dge ba'i bshes gnyen chen po dar thul bas lo tsA de nag tsho dang mnyam par 'dug gsung ba tsam las gzhan ma thos so/ dang por phar tshad kyi gra skor mdzad rjes rgyud bla 'jug pa/ spyod 'jug rnams la bshad pa mdzad pas kha cig gis dka' bzhi ba zhes mtshan du gsol te/ de dus theg pa chen po dbu ma'i lus rnams kyang rdzogs shing gzhanayang 'dul mdzod la sogs mang du dgongs/ de nas re shig na ni dka' bcu pa zhes mtshan du gsol bar byed pa/ de'i?da'i skabs na'ang po ti bcu bas lhag par pha rol du phyin pa'i phyogs mang po dang / rgyud sde'i phyogs shin du mang bar dgongs te 'di tsam mo zhes bcad pa med do/ de nas ni bzhugs/ bzhengs/ gnas gzhan dang gzhan dag tu gshegs bzhud ci mdzad kyang / dus thams cad du gsung rab kyi tshig don la thugs kyi 'jug pa chu bo'i rgyun bzhin du gyurate chos lugs kyang 'di mi gzigs/ ma gzigs zhes bya ba med/ de thams cad kyi tshig don thams