[B:55a] cad la yang dag par rnam dpyod stobs su gyur pas don gcig la'ang lan mang du dpyod pa 'jug de'i stobs kyis 'di tsam mkhyena'adi tsam mi mkhyen zhes zhal snga nas rang nyid kyis tshad bzhag pa dka' bar gyur pa yin/ de lta bu'i mkhyen pa mtha'ami mngon pa de yang sngon gyi sbyangs pa chen po mang du song ba'i mthu dang / sku tshe 'dir chos thams cad kyi gnas lugs de la rjen 'jus mdzad pa'i stobs dang / rnam par dpyod pa gzhan pas khyad par du gyur pa'i mthu las yin gyi/ de'i ched du yi dam la bsnyen pa bskyal ba lta bu'i stobs kyang ma yin no/ lan cig skyam chad pa stengs su [A:130]bzhugs pa'i dus/ dbon po zla grags pa la/ zhal snga nas dbon po khyed kyis nga'i yon tan la po ti 'di tsam zhig shes par 'dug zer ba'i tshad cig zhog gsung pas/ sangs rgyas rangayin mod/ ngas tshad ga na zin zhu ba la/ de skad ma zer bar tshad gzhog gsung yang khong gis ma spobs/ 'o na nga rang gis bzhag cig rtse thang chen po dpal ldan bzang po ba 'di tshad ma mkhas pa yin nam gsung / khong spyir sku yon tan che zhing / khyad par rnam 'grel la mkhas pa yin zhu bar gda' zhus pas/ da po ti shes pa'i tshad de la zhog de'i dbang du byas na po ti stong tsam zhig shes par 'dug/ rnying ma'i skor rang la'ang dang po po ti bzhi bcu rtsa lhag cig shes kyi yod pa yin gsung / de nas ring zhig lon pa na/ ljang gi bkra shis dgon par dge ba'i bshes gnyen dag la'ang de dang rjes su mthun par bka' mchid kyis rmed par mdzad cing / de dang ha cang mi ring ba'i dus shig tu nged rang gis khar bton na mi rnams bdag nyid sgrog par mthong nas ma dad du 'ong / gsung rab la 'jug pa'i shes rab legs par byang nas/ gang gi don la 'jug kyang tshegs mi snang bas mi go ba'i gsung rab tsam mi 'ong bar 'dug sngar gcig kyang mthong ma myong ba'i chos cig byung na'ang de dal brel ran pa tshar gcig bklags/ de nas po