[B:56b] khrig 'bum 'gyur du bskal pa'am bskal pa brgyar ston yang chos kyi sgo de'i tshig dang spobs pa yongs su bri bar yang mi 'gyur bas na/ de'i phyir mang du thos pa zhes bya'o/ zhes 'byung ba dang rjes su mthun par rgyud bla ma'i 'grel bshad rtsom pa'i skabs su tshig bzhi pa'i tshigs su bcad pa gcig bskal par gsungs kyang de'i don zad par mi 'gyur ba'i spobs pa mnga' bar/ slob dpon smon lam grags pa yi ge pa yin pas/ de ltar go ba ni rje nyid kyi byin brlabs su nges so zhes/ rjes su yirangs pa skyes so/
24 slob ma mchog dman bar mi'i skal ba dang mtsham par chos ston pa la ngal ba mi mnga' ba zhes pa ni/
dgung lo nyi shu rtsa dgu pa lcags pho byi ba'i lo
1420lo
yan du/ mkhas grub kyi bla ma bzhi bcu rtsa gnyis la gtugs nas/ mdo sngags tha snyad kyi gsungs rab rgya chen po ni gsan/ rgya bod kyi bstan bcos mang du gzigs pa la ni mtha' med/ zab cing rgya che ba'i chos lugs thams cad la phyogs ris su ni mi 'byed/ bod yul 'dir grub mtha' sna tshogs kyi gang la'ang chags sdang ni cung zad mi mnga' rigs sad pas gsung rab kyi don la thos bsam gyi shes rab kyi klong chen po ni rdol/ chos thams cad kyi gnas lugs ji bzhin pa la bzod pa ni thob/ ji ltar dgongs pa'i gsung rab kyi don thams cad lung dang rigs pas gzhan la 'doms pa la spobs pa'i 'gran zla ni med/ thugs kyi 'jug pa thams cad gsung rab kyi tshig don du shar ba'i snang ba chen po ni rgyas/ 'jig rten 'di'i che thabs kho na [A:134]sgrub pa'i 'dun pa ni ngar snabs bzhin du dor/ mdzad pa thams cad dang gzhan gyi don chen po sgrub pa'i rgyur spyod pa la ni re 'jog med/ mkhas pa'i mdun pa thams cad du sku yon tan gyi snyan pa'i 'od dkar gyis ni khyab/ snyigs ma'i dus 'dir bstan pa rin po che'i srog shing du gyur pa gang gis/ lo de'i dbyar spyan g.yas su ston pa rin chen dpal bzang zhes bya ba mi phyed pa'i gus pa can gyis gsol ba btab pa ltar/ khong gi spyil por nyin re bzhin byon nas/ dpal dus kyi 'khor lo'i rgyud 'grel chen dri ma med