[B:56a] 'tshams thams cad je phra/ gsan zhing gzigs pa thams cad je mang / thugs kyi rnam par dpyod pa thams cad la je [A:132]brtson du gyur pa yin no/ bdag gis mngon du gyur pa la/ yang dgon pho brang du/ kho bo dang dka' bcu ba grags pa mtha' yas la/ mdo sde rgyan 'grel pa dang bcas pa'i bshad pa rgya cher gnang ba'i dus su/ de'i byang chub kyi skabs dang / 'phags pa sangs rgyas kyi sa mthun par thugs su chud de/ phyis de gnyis kyi sbyar bshad kyi rtsom pa'ang mdzad pa sogs/ thugs bskyed byung tshul gsung ba thos pa des mtshon nas brjod kyis mi lang pa byung ba 'dra'o/ mdo sngags kyi chos gsung pa'i dus kyi kun du spyod pa ni/ sngar snga mo'i dus su dbang mdor bstan pa gsungs pa'i tshe/ de ring 'di tsam zhig gsung ngo dgongs te thugs kyis legs par dpyad pa rnams nyan pa pos sleb pa'i tshe kho rang dang 'tsham pa zhig ma gtogs mi 'char bar 'dug gsungs/ dus phyis chos gsung ba rnams kyang / nga la de ring 'di 'dra zhig 'chad/ 'di 'dra zhig mi 'chad cig kyang med/ khyed rang tsho tshogs nas gang babs pa de yin/ zhes gsungs/ res ni shin tu rgyas pa dang / res ni ngo lon tsam gsungs/ de'i don gyis da lan gyis chos babs par 'dug da lan mi babs par 'dug ces bya ba'i gtam yang gnyug mar gnas pa dag la yod de/ chos grwa de na dga' tshad pa re re yod kyang des gsung chos des log gnam log tu 'gro ba dang / skal ba ngan pa grib kyi khur po khur ba zhig yod na 'phral du gsung yang 'dzer ba dang / bshad pa rnams kyang 'ur dum du 'gyur/ de lta na bshad pa thams cad gdul bya dang mthun pa rang 'char ba yin gyi/ snod dang ldan yang rung mi ldan yang rung ste/ ston pa po rang gi blo la gang gnas pa de nyid 'chad pa'i tshul las 'das pa mnga'o/ gzhan yang dpa' bar 'gro ba'i ting nge 'dzin gyi mdor/ [A:133]rigs kyi bu gang gi tshe thos ma thag tu chos kyi sgo'i tshig gcig gis dris pa'i lan rnam par bye ba khrag