[B:59b] legs par btab/ shing pho byi ba'i lo zla ba gsum pa'i nang du chos rje sems dpa' chen po mjal du mdo sngags gling du phebs nas sku mdun de'i dge ba'i bshes gnyen dka' bzhi ba chos rgyal ba la sogs pa dang 'bel gtam mang du mdzad/ sems dpa' chen po'i gsung nas khyed la tsan dan gyi phreng ba cig yod na slong gsung bas phyis gcig 'bul du bskur bas thugs dgyes par byung / sku lus kyi 'byung ba rnams bsdus pas yun du mi bzhugs par 'dug ces smras te/ de rjes zla ba bdun pa la gshegs gsung / de nas 'phyos kyi phu 'jal rdzong du bzhugs nub cig 'ja' dkar po gzigs pas 'di mthong ba 'chi ltas su bshad dgongs pa byung ste phyis gong nas gshegs pa'i ltas su 'dug gsung / de'i ston srin lung du bzhugs/ de nas sne'u gdong rtser phebs pa na gong gi bka' lung la khar sang bar nged kyis phyag chen zhus pa yin pas do nub phyag rgya chen po'i 'bel gtam gyis gsung nas dge ba'i bshes gnyen rnams kyis 'bel gtam mdzad pa'i tshe bdag da ltar zhal se lhag ge ba 'di kha phyag rgya chen por 'dod pa yin byas pas kha cig de la ma shes par ngan du smra ba yang byung / de nas gong nas snyung nas re shig gi bar du rtser bzhugs/ de rjes bsam gtan gling du sku mtshams mdzad/ glang lo la 'ju lha khang stengs su bzhugs/ stag lo la yid bzang [A:141]rtser tshig gsal nag 'byam gyi bshad pa legs par gnang / de'i ston dbu ma la 'jug pa'i bshad pa dge ba'i bshes gnyen mang po la gsungs/ chos rje rin po che lo chen pa'i zhal snga nas la brtag gnyis kyi bshad pa gnang bas khong gis gsang sngags kyi sku yon tan gyi gzhi der things pa yin gsung zhing / skabs 'di skor du rtse thang nas drung gdan sa ba sku khams ma bde bas de'i byin brlabs la phebs dgos gsungs nas/ chos rje rin po che lo chen gyis ljang pho brang du byon pa la dang por shar khang du bzhugs nas slob gnyer mdzad lugs/ mched grogs rnams kyi thad du 'grogs tshul/ de nas sku yon tan bcad rabs/ de rjes rgya dur du bzhugs pa la sogs pa rgyas par bsed