[B:60a] cing de'i zhabs tog ga na 'grub gsungs pas chos rje lo chen pa khong rgyu chu lhug pa cig byung ba yin gsung / yos kyi lo la chos rje rin po che lo chen pa'i zhal snga nas la/ dpal dus kyi 'khor lo'i rgyud 'grel gyi bshad pa dang sems 'grel skor rnams gnang / 'brug lo la ljang pho brang du bzhugs nas chos rje rin po che nam pa'i zhal snga nas dang chos rje lo chen pa'i zhal snga nas rnam pa gnyis gtso bor gyur pa'i phyags phyir slob dpon gzhon dbang pa yang tshud nas dpon slob gsum la gsang 'dus 'grel pa sgron gsal gyi bshad pa dang rim snga spyod bsdus rnams gnang ste/ de'i tshe ngas khong gnyis la rin po che lta bu'i gang zag tu ngos bzung nas nges don gyi bshad pa bya rgyu thams cad byas pa yin/ nges don gyi chos skad zhib mo rnams gzhan du de tsam khyab brdal nas bshad pa med gsung / de res sngar ma gsungs pa'i chos mang du gsungs yod par 'dug zer ba'i gtam yang yod/ de'i dbyar nas gdan sa thel du phebs khri khang 'og mar bzhugs te gnas 'di [A:142]gnyis su ye shes zhabs lugs dang / gsang snying 'grel pa lam rnam bkod kyi bshad pa rgyas pa/ g.yung ston pa'i Ti ka dgongs 'dus la sogs pa'i gsang sngags rnying ma'i skor mang po dang bcas pa legs par gsungs/ de'i ston mjug yid bzangartser rtse thang gi sde snod 'dzin pa shin du mang ba la mngon rtogs rgyan 'grel chung dang bcas pa'i bshad pa brgyad stong 'grel chen dang nyi khri snang ba gtso bor bzung nas rgya chen po gsungs/ gsan pa po thams cad chos bgro ba la brtson pa dang ldan par gyur/ khyad par sde snod 'dzin pa chen po nam rin pa dpon slob pas legs par brtsis pas skabs bzhi pa yan la mi gzhan dang bshad srol mi gcig pa'i grub pa'i mtha' khyad par du gyur pa lnga bcu rtsa drug byung zer/ chos ja skol mkhan yang sum bcu tsam byung / tshad ma rigs thigs kyi bshad pa yang gnang / slob dpon nam mkha' legs pas gsol ba btab nas dpal mkha' spyod pa'i chos drug chen mo gsungs/ de'i dpyid rin po che kun bzang rtses