[B:60b] gsol ba btab pa'i ngor lha khang stengs su dge ba'i bshes gnyen mang po la rgyud gsum gyi gsang ba rnam par phye ba'i bshad pa sngon du 'gro ba'i dpal dus kyi 'khor lo'i rgyud 'grel gyi bshad pa yongs su rdzogs pa/ spyi chos su skya ser shin tu mang ba la po to ba'i be'u bum sngon po rtsa 'grel dang / bshes gnyen rnams la sems 'grel skor gzhan rnams kyang gnang / de'i dbyar smad 'phyos kyi bde ba can du dpon slob 'ga' zhig gis bzhugs zab pa dang rgya che ba'i gsung sgros kyi bdud rtsis blo gros kyi bum pa legs par bkang nas gzhan la rjes su zlos pa po slob dpon gzhon dbang pa dang / thugs rab phun sum tshogs shing dad pa dang mi gzhis zhabs kyi pad mar 'dud pa la zol med pa'i kun du [A:143]spyod pa can thar gling gdan sa ba rdo rje bsod nams la sogs pa la/ 'grel chen dri med 'od kyi rgyud la ma zug pa yan gyi mdor bsdus rnams la mdzug khrid dang / dge ba'i bshes gnyen a ti sha la sogs pa la bslab pa kun las btus pa'i bshad pa gnang / de'i skabs su dpon slob 'ga' shas kyis grub thob bsrung ba'i sgrub gnas skyi tshang skyi mo brag gzigs su byon pas byis pa lo bcu gcig lon pa zhig 'dug pa la dri rtog mang du gnang bas khong rang gi bla ma gong ma rnams kyi rnam thar thor re ba yang zhu rgyu 'dug gzhan yang dri bshad mang du mdzad pas khong na re lha bsgoms pa 'dis rang 'khor ba las mi grol ba 'dra zer bas ya mtshan zhing blos mi 'khyud pa'i thugs dgongs 'khrungs/ khyod rang nga'i phyir phyin pa 'thad gsungs pas phyin chog zer nas 'gro grabs byas pas khong rang gi khu bo des ma btang / des rjes su rten 'brel la gnod par byung gsungs ste/ byis pa de ni phyis lhun bde rab 'byams pa yin no/ de'i dgun rtse thang du rgyud bla thogs med 'grel chen gyi steng nas dge ba'i bshes gnyen mang po la gsungs/ phar phyin gyi don bdun bcu yan la bshad pa dang / skabs shig la gsang 'dus rim lnga'i bshad pa yang gnang / dgung lo lnga bcu rtsa