[B:61b] chen po dpal 'byor rgya mtsho ba la sogs pa'i dge ba'i bshes gnyen mang po la gsang 'dus 'grel pa sgron gsal dang / rim snga dang spyod bsdus kyi bshad pa/ kha [A:145]cig la snying po don gsum yang gsungs/ de'i dgun nas chos sdings su g.yu lo bkod par sku mtshams shin du dam par mdzad de spre'u lo'i dpyid kyi bar bzhugs/ sos ka sne'u gdong rtser phebs gong nas kyi bzhed pa skong ba'i phyir zla gnyis tsam bzhugs/ dbyar rtse thang du dge ba'i bshes gnyen sde snod 'dzin pa brgyar nyer gcig la rgyud gsum gyi gsang ba rnam par phye ba bshad pa shin du rgyas par gsungs shing / dge 'dun rnams kyis kyang skyar chag la do dam chen po mdzad/ chos dbyings bstod pa gsar 'gyur dang / bzang spyod smon lam la bshad pa gnang sgron gsal par ma la 'gyur gsar mchan du btab/ zla ba brgyad pa nas paN chen rin po che spyan?spyad 'dren du gtsang phyogs su phebs pa'i lam du chos 'brel mang du gsungs/ bya lo'i dbyar ra lnga rab 'byams pa dpal 'od la sogs pa la mtshams sbyor lnga pa'i sa ris btang / gling dkar chos mdzad pa la byang chub mchog tu thugs bskyed pa sems tsam lugs dang dbu ma lugs gnyis chos rje rgyal sras pa'i cho ga'i steng nas dbog par mdzad/ chu mo bya'i zla ba bcu pa la rtses thang du phebs/ de'i tshe glang thang spyan snga kun dga' rdo rje ba la gsang 'dus sgron gsal gnang zhing / rje btsun 'jam pa'i dbyangs kyi rjes su gnang ba mdzad/ khyi lo'i ston mjug skyam 'chad pa stengs stengs su chos rje rin po che nam pa'i zhal snga nas gsol ba btab nas bslab pa kun las btus pa dang / spyod 'jug gi bshad pa yang gnang / de'i dgun mjug chos kyi rje rin po che spyan snga dpal ngag gi dbang phyug gdan sa thel gyi khri thog tu spyan drangs pa'i mo la ba mdzad/ drug bcu rtsa bzhi pa shing mo phag gi dpyid skyam gyi 'chad pa stengs su dpal kun bzang rtse pa gtso bor gyur pa'i dge 'dun sum [A:146]bcu tsam la gsang 'dus 'grel pa sgron gsal gyi bshad pa dang / sos ka be'u bum sngon po gsungs/ dbyar rdo rje 'dzin pa rdor bzang pa dang / sde snod 'dzin pa blo gros seng ge dang bsod nams dpal ldan la sogs pa'i mang