[B:62a] po la gsang 'dus sgron gsal gyi bshad pa dang / lha btsun bsod nams dpal ldan pa la sogs pa la spyod bsdus sgron ma gnang / de'i ston smin ri ba bla ma bstan pa rgyal mtshan pa dpon slob byon nas lam snying par gsum zla ba phyed la thon pa'i bshad pa zhu gsung bas zhag bcu la bshad pa rgyas pa grub/ phag lo'i dgun bsnyen par rdzogs pa mang po'i las slob kyang mdzad/ byi ba lo'i dpyid rtses thang du dka' bcu ba nam rgyal gtso bor gyur pa la dbang mdor bstan gyi bshad pa zla ba phyed kyi bar du gsungs/ yang dgon pa'i bar do 'phrang sgrol gyi khrid kyang gnang / de'i dbyar sos bla ma bstan pa rgyal mtshan pas spyan drangs nas smin ris su phebs nas dge bshes mang po dang khrid thob kyi ban mo brgyaskor re la/ dpal dus kyi 'khor lo'i rgyud 'grel gyi bshad pa dang / brtag gnyis kyi rdo rje snying 'grel gnang / tshogs chos nyin gcig gsungs/ gra pa thams cad thugs dad cing zhabs tog kyang mang du zhus/ de'i ston skyam gyi 'chad pa stengs su bzhugs dus sman cig tu zhi byed skor rnams gsan par bzhed nas yar rgyab du de'i bar gyi sbyin bdag zhu ba dang chos kyi snyan zhus 'bul ba la 'phags pa bsod bkras pa btang bas rten 'brel legs par 'grig sman gcig tu lam lnga'i khrid grol rting lung la zug pa'i dus su snga dro bla ma kun dga' rdo rje ba dang / 'tsho byed chos dpal ba la sogs pa mang bo la g.yung ston pa'i Ti ka'i steng nas gsang snying gi bshad pa dang / nyin cig chos rje'i khri la bzhugs nas tshogs [A:147]chos kyang gsungs/ de rjes chos rje sman gcig pa rang gis gtso mdzad pa'i dge ba'i bshes gnyen mang po la sgyu 'phrul zhi khro dang / sgrol ma lha bcu bdun ma chos rgyal 'phags pa'i yig cha'i steng nas dbang la sogs pa gnang / bla ma kun dga' rdo rje bas gsol ba nan tan du btab nas yang dag gi dbang gnang bar brtsams pa'i nub mo/ rtsa ba dang rgyud pa'i bla ma rnams nam mkhar byon pa thams cad na bza' ngan zhing bzhugs tshul sna tshogs pa cig mnal lam du byung nas ma mdzad/ der bzhugs pa'i dge ba'i bshes gnyen chen po dang sgom chen pho mo dang nya ma thams