[B:63b] su phebs par zhal gyis bzhes/ de'i dbyar rin po che kun bzang rtse pa'i gsol 'debs kyi ngor/ dpal dus kyi 'khor lo'i rgyud 'grel pa dri ma med pa'i 'od dang bcas pa'i bshad pa shin du rgyas par gnang / zla ba brgyad pa'i gsham du song ba dang stag lung nas 'bod mi byung ba'i dpe yod gsung nas sku mtshams grol/ dge 'dun mang po dang mjal nas sne'u gdong rtser phyag 'bul mdzad du phebs pa'i nyin spyan 'dren pa rta drel mang po dang bcas pas slebs/ sang phebs pa'i do nub mchod bshoms [A:150]dang / mar me dang zhal zas kyang 'di lta bu gyis gsungs nas/ dkon mchog la mchod pa legs par bshams tshar ba dang / phyag kha cig mdzad/ de nas tsog bur bzhugs te thugs dam rgyun ring bar gnang gi 'dug mchod me rnams kyang gsal zhing chen por 'bar/ zla ba dgu pa dkar 'phral du btegs nas 'on phu la mdzad de rim gyis phebs/ 'phan yul gyi de gong du phebs pa'i nyin phyi dro nyi ma nub phyogs su yol du nye ba na/ de'i mdun gyi brag gi logs la nyi ma phog pa dang ma phog pa'i dbang gis byung ba snyam byed pa'i sangs rgyas shAkya thub pa'i sku bzhugs pa sa gnon dang mnyam bzhag can gyi steng na lhung bzed kyang che ba bsnams pa/ sku chos ser po la sku sha'i kha dog de bas cung zad mi ser ba/ dbu'i gtsug tor kyang shin du gsal ba zhig gzigs pa na yun ring bar gzigs nas thams cad la ston pa gnang bas stag lung pa'i nye gnas sangs rgyas dpal na re/ las sgrib che ba yin par 'dug ngas mi mthong zer/ de rten 'brel shin du bzang bar 'dug pas/ de nyin nas blo bde ba skyes shes gsung / de nas rgyal chen rtser phebs dus na len dra'i gzims khang 'og pa'i gra tshang chos bar la byon 'dug pa rnams la chos legs par gsungs/ de nyin phebs par 'dug zer nas thams cad kyis bya ra byas mi nyug brang tshad la da byon da byon byas pas tsha ba dge bshes bsod blo na re min par 'dug min par 'dug zer nas/ ri'i mar sna de la phebs byon pa dang / de phebs byon no nor 'gro ba med lung pa thams cad snum gtong