[B:63a] mang zhing yun du bzhugs pa dka' ba dang / dus kyang dgun nyi ma shin du thung ba'i dus yin pas chos gsan mkhan thams cad sku mtshams su bcug gdan gcig tsha bzhes grol 'phral du nyi ma ma nub kyi gong tsam du grol ba'i chos thun shin tu che bar gsungs pas yun zla ba gnyis la bshad pa rdzogs par mdzad/ skabs 'dir stag lung nas chos rje rin po che'i bka' shog dpon gnyer chen pa dang mjal sna ba la sogs pas khyer ba la/ stag lung phebs pa zhu/ nged chos zhu ba yin/ da lan gnyer tshang pa dang lhan du phebs stabs kyang bde gsung ba la/ dpal ldan rgyal ba'i rabs te kha na ma tho med/ mang du gsan pa'i chu bos mi ngoms rgya mtsho che/ 'gro ba'i bla na gdugs dkar bzhin du rnam mdzes pa/ dam pa'i chos kyi las la rjer gyur zhabs drung du/ zhes bya ba la sogs pa'i zhu yig da lan [A:149]chos 'phror yod pas ma sleb phyis 'byon zhes pa phul/ dus 'khor thon 'phral du sems 'grel skor gzhan rnams dang / grub pa sde bdun dang / kye rdor sgrub thabs me tri ba dang sgra gcan gsang bas mdzad pa la sogs pa shin du mang ba dang / rnam snang mngon byang gi rgyud kyis bshad pa bsdus don 'grel pa'i don skam bshad du gsungs/ tha na thig tshun chad legs par slob pa gnang / do ha skor gsum/ phyag rdor bka' 'bum la sogs pa mang du gsungs/ slob dpon rgyal rin pas brtag gnyis gsung ba dang / kha cig gis rgyud bla gsung bar gsol ba btab pa dus mtshungs pas chos grwa cig tu gnyis ka snga phyi mdzad nas nas nar ma chad du gsungs/ sbrul lo'i dgun rdo rje 'dzin pa rdo rje bzang po ba la sogs pa mang po la zhal lung / grol thig sbyor bdun rnams kyi bshad pa legs par mdzad/ lcags pho rta'i lo la spo to ba'i dpe chos rin dpungs dang / jo bo'i lam yig sogs chos rgyun chags su gnang ba'i dbyar sos stag lung nas dpon mjal sna ba byung ste/ nged stag lung pas snga mo nas phar phyogs su phebs pa'i zhu ba snga phyi'ang mang du byas/ da lan kyang phar phyogs su phebs pa'i bka' lung yod gsungs bas/ ston thon pa'i dus