[B:69b] sku skye yin/ khong 'o rgyal yod/ dam pa'i chos la sbyar na legs po 'ong ba'i dpe yod gsung stag rtse nas gdan drangs thos bsam sgom gsum la sbyar/ 'brug gi dpyidachos rje 'brug pa gsang 'dus gsan par bzhed de/ dwags po sgam po nas zhu ba 'bul byung bas zhal gyis bzhes pas tshegs med du phebs/ gsang 'dus sgron gsal gyi bshadapa legs par gnang / de rjes rgyud bla gzhung rkyang dang / dbang mdor bstan pa'i bshad pa/ dbon sher 'byung gi bsdus pa'i dgongs gcig gi rtsa ba'i bshad pa rnams stsal/ [A:164]gzhan yang dngos su ma mjal na'ang gsung thos kyi sa nas chos 'brel mang du gnang / de'i dbyar 'khrul sel gyi rtsis 'phro tshol ba'i sa ris shin du mang bar mdzad/ de'i dgun chos rje rin po che lo chen pa'i zhal snga nas phyag 'bul du phebs pa la shes rab kyi pha rol du phyin pa sgom pa'i rim pa gsungs/ chos rje spyan snga rin po che bsnyen par rdzogs pa'i mkhan po mdzad/ chos rje rin po che nam pa'i zhal snga nas kyis gsol ba nan tan du btab pa'i ngor sha ba ra'i gzhung chung la brten nas lam yan lag drug po zung 'jug 'ba' zhig gis bgrod pa'i khrid lugs dang / dus zhabs snyan rgyud da dang / bka' 'bum gyi lung la sogs pa mang po gnang / sbrul lo'i sos ka rgyud bla'i Ti ka chen po brtsom par gsol ba btab pas zhal gyis bzhes te rtsom pa la zug pa'i nyin/ gzims khang nang na dpon slob gnyis las mi bzhugs pa la sa g.yo ba'i cho 'phrul chen po byung / gzhan sus kyang ma tshor bar 'dug zla ba bzhi pa la zug nas brgyad pa'i tshes bco lnga la legs par grub/ spyan gyis nyin nub dgongs pa tsam las med kyang bshad pa dang lung 'dren la sogs pa thams cad sngar spyan gyis gzigs pa bas tshegs chung zhing rgyas pas/ thams cad ngo mtshar du gyur pas mtshon te/ rtsom pa gang gnang na'ang / snga gzigs zhib mo dang 'grel ba sogs ji ltar mdzad pa'i don thugs bsam gyis gtan la phab rjes/ lung 'dren gyi skabs so sor khol 'don gnang rting / yi ge ci tsam zin pa ltar zhal nas spod ba ma gtogs/ rtsom stan gyi