[B:69a] yongs su rdzogs pa/ sems 'grel skor gzhan rnams dang rnam snang mngon byang gi rgyud/ dpyid kyi thig le'i 'grel ba'i bshad pa/ dus 'khor gyi 'grel chen dpal ldan bla mas mdzad pa'i lung / phar phyin gyi bshad pa/ gsang snying spar khab dang bcas pa dang / lam rnam bkod kyi bshad pa/ sgyu 'phrul zhi khro dang / dkyil 'khor padma brgya ldan dang / bla ma thod phreng rtsal dang / rta mgrin gsang sgrub kyi dbang la sogs pa gnang / de'i skabs su byams pa gling nas chos rje rin po che'i zhal ta phebs pa na/ shin tu mjal bar rings/ sku tshe 'di la thengs cig cis kyang mjal ba zhu/ zhal rnam gnyis kyis dgung lo mthon por phebs pa yang thugs kyis dgongs par zhu gsung ba dang / chos rje rin po che lo chen pa'i zhal snga nas kyang de mthun dang / yar rgyab nas nang so [A:163]rnam pa'i zhal ta phebs pa'i tshe/ spyan snga tshes gnyis rin po che la chos mang du phul tshar ba la brten nas phebs par zhal gyis bzhes pa'i zhu lan phul tshar ba'i rjes bzhud par nye ba'i skabs su/ da lan phyin na bar chad chen po 'ong gsung nas bshol/ 'di byung ni gsal bar mi gsung ngo / de nas lho khar bzhugs ma bzhed de/ byang khar nang so nas smon ldang du mkhar las mdzad/ sa zhing mang du 'bul bas de ring rtsis bzhes pa zhu ba'i bka' lung byung ba la'ang sa zhing gi dgos pa med pa'i rgyu mtshan sku 'khor na yod pa rnams la phyogs tsam gsung zhing bzhes pa ma gnang / yos lo la nang cig bzhengs pa'i skabs su sku gdab la brten nas zhabs kyis phebs mi thub pa rgyun ring bar byung nas/ 'do li la spyan drangs te smon ldang du phebs/ slob dpon sang she ba la dbu ma lag tshad gsungs/ de rjes phal cher sku mtshams kho na la bzhugs/ yos lo'i dgun snying po gsal sgron gyi brtsam pa mdzad/ dka' bcu ba grags pa mtha' yas pa la rgyu mtshan rtsis rnams gsungs/ de'i rjes su dri med 'od kyi skar rtsis kyi mdor bsdus la bshad pa zhib par gnang / dge ba'i bshes gnyen rnam rgyal mchog pa bdag gi bla ma'i