[B:71b] lam 'bras dpe mdzod ma'i skor tshang ma/ grub pa sde bdun/ de kho na nyid bcu pa lhan skyes rdo rje'i 'grel pa dang bcas pa'i bshad pa/ byang chub sems dpa'i sa/ sdom pa nyi shu pa'i 'grel pa zhi ba 'tshos mdzad pa bslab btus/ shes rab kyi pha rol du phyin pa brgyad stong pa/ mdo ting nge 'dzin gyi rgyal po/ 'brug pa'i khrid chen brgyad/ 'jam dbyangs mgon po'i yig cha'i steng nas thub lnga'i khrid skor/ rje rin po che blo bzang grags pa'i lam rim chung ba/ sngags rim/ bde mchog Ti ka bla ma lnga bcu pa dang rtsa ltung rnam bshad/ drang nges rnam 'byed la sogs pa dang / mkhan chen las kyi rdo rje'i bka' 'bum/ rnam snang mngon byang gi rgyud phyi ma dang bcas pa/ de nyid 'dus pa/ rdo rje rtse mo/ dpung bzang / legs grub/ bsam gtan phyi ma/ dpa' bo gcig grub/ phyag rdor dbang bskur/ gsang ba spyi rgyud/ rab gnas mdor bsdus kyi rgyud/ dpal mchog dang po/ sangs rgyas thod pa/ bde chen ral gcig sdom 'byung / rdo rje mkha' 'gro/ phag mo mngon 'byung / nges brjod bla ma/ kun spyod/ [A:169]khrag 'thung mngon 'byung / phyag chen thig le/ ye shes thig le/ de kho na nyid kyi sgron ma rdo rje snying po rgyan gyi rgyud/ rtog bdun/ rtog gsum/ gtam rgyud kyi rtog pa/ gdong drug gshed dmar kyi rgyud rim par phye ba bcu dgu pa/ rnam snang sgyu 'phrul dra ba la sogs pa shin du mang ba bka' drin du mdzad pa'i dus su/ sku nyams kyang sngar bas bzang ba/ sku khams shin du dwangs pa/ bzhes stobs kyang shin du che ba byung ba rnams dpon slob rnam par dag pa'i stobs las byung ba yin no zhes/ rje lo chen la sogs pas bsngags pa gnang ngo /
25 deb ther sngon po sogs brtsams pa/
sa pho khyi lo
1478lo
la deb ther sngon po che ba'i brtsom pa gnang zhing / dwags po rab 'byams pa la dus 'khor dbu zhabs kyi don thams cad skam bshad du mdzad/ de rjes khong rang gis rgyud 'grel gzigs te ma bde ba dang dka' ba'i gnas la dri gtug gis gtan la phab/ de'i ston bdag byang ris nas 'khor rjes/ dpon slob thams cad la zla phogs stsal zhing / de'i