[B:72a] ring la dpyid kyi thig le'i 'grel pa'i bshad pa dang / mtshan brjod kyi rgya dpe'i steng nas skad dod sprod pa dang / naro dong sprugs kyi dbang la sogs pa mang du gnang / de'i dgun bdag gis gsol ba btab pa'i ngor phar phyin gyi Tika chen dpag bsam gyi snye ma/ 'jig rten dang 'jig rten las 'das pa'i lam gyi rten rnam par bkod pa rab tu gsal ba'i sgron ma dag gi brtsom legs par grub/ de rjes rten 'brel sgra sgrub kyang brtsams/ mkha' 'gro rgya mtsho'i 'grel pa gru gzings klog pa la snyan legs par gtad de mchan yang 'ga' re btab/ snon gyi zla ba la dge ba'i [A:170]bshes gnyen kun dga' rgyal mtshan pa la/ slob dpon zla ba grags pa'i tshig gsal nag 'byam dang / byang chub sems dpa'i spyod pa la 'jug pa'i shes rab le'u rnams dris lan gyis gtan la phabs nas/ bsam pa las byung chos kyi sgo mo phye te gsang sngags lam gyi gnad mang du stsal bar mdzad do/ de yan chad du kha cig rab tu byung ba'i mkhan po/ kha cig la dge tshul brlab pa sbyin pa/ kha cig bsnyen par rdzogs pa'i mkhan po/ las kyi slob dpon dang / gsang ste ston pa dang / dge bsnyen gyi bslab pa dang / bsnyen gnas kyi sdom pa sbyin pa dang / sems bskyed mdor bsdus res byang chub tu sems bskyed bcug pa dang / gsang sngags kyi rjes su gnang ba dang / dbang bskur zhing lha'i sgrub thabs phog pa dang / bsgom pa'i man ngag mdor bsdus gnang ba la sogs pa ni shin du mang bar yod de/ spyir gyis chos kyi sgo mtha' dag par gsung yang / dbang bskur ba dang bslab pa skyor ba'i mkhan slob la shin du 'dzem/ khyad par bslab pa bskyar ba byung na nges par bsnyel 'ong / rdzogs rims kyi gnad mtha' dag gsung yang khrid 'debs pa la shin du 'dzang / zab mo'i don gsung ba yang gang zag de'i dbang po brtags shing / sngags pa gtso bor gyur na bskyed pa'i rim pa'i skor shas che ba dang / sde snod 'dzin pa mang du tshogs na grub mtha'i bshad pa shas che bar 'ong ba dang / rnal 'byor la gnas pa gtso bor gyur na/ zab gnad gsung ba shas che'o zhes