[B:72b] grags so/ chos gang gsung yang snga gzigs phyi gzigs mdzad pa dang / gang zag gzhan gyi Ti ka la brten nas gsungs pa dang / gzhan 'gog pa kho na lhur len pa la sogs pa ni mi mdzad/ sku lus bsrangs nas/ thog mar dbu zhabs kyi don thams cad [A:171]hril te dril nas gsung / gzhung so so'i dka' gnad kyi skabs su/ bka' dang mkhas pa tshad ldan gyi bzhed pa thams cad dpang por mdzad nas shes bya gzhi nas bslang ste/ chos thams cad chos gcig gi steng du phab/ chos thams cad kyis chos gcig 'chad de/ 'ben phyi rol du mi tshol bar mde'u rtse nang bstan nas gang zag so so'i rgyud dang sbyar nas/ nyan pa po rang gis khong du chud ma chud pa la 'thad mi 'thad kyi brgal brtag zhu zhing nyan chog pas/ yin min gyi dri ba zhus pa la mi dgyes pa med bzhin du rmed par mdzad pa la/ gdul bya'i blo gros dang brtson 'grus kyis lcogs na nyin mtshan song ba ma tshor ba gsung / de yang bstan bcos gsungs pa la snga ba rta nag tu spyod 'jug gsungs pa/ rnam bshad brtsams pa la snga ba sgron mar dbu ma 'jug pa'i Ti ka brtsams pa/ dbang bskur ba la snga ba rdo rje 'dzin pa bkra shis rgya mtsho ba la sgyu 'phrul zhi ba'i dbang gnang pa/ rgyud gsungs pa la snga ba ston pa rin chen dpal bzang la dpal dus kyi 'khor lo gsungs pa/ khrid btab pa la snga ba dmar ston chos rje la sbyor drug gnang ba'i 'og tu nam rgyal la lam rnam bkod kyi khrid btab pa deyin no/ sa mo phag gi lo'i
1479lo
ston rgyab/ chos rje rin po che lo chen phebs nas/ zhag nyi shu'i bar du bsnyen bkur rgya cher zhus shing / rdo rje snying 'grel gyi bshad pa/ bi ma la'i rig pa'i rtsal dbang bco brgyad/ a ro'i snyan rgyud la sogs pa gnang / rdo rje snying 'grel ji ltar gsungs pa ltar 'phral du zin bris btab pas dgyes nas bsngags pa mdzad/ lo de'i dgun zla 'bring po la/ jo bos mdzad pa'i bden gnyis kyi Ti ka dang / cho 'phrul gyi zla ba la byang chub lam sgron dang / dbu ma'i man ngag gi bshad pa [A:172]rnams brtsams/ lcags pho byi ba lo'i 1480lo
dgun/