[B:7b] rnam 'grel gsungs pa rnams kyang gsan/ chen po tshul blo ba tshad ma gsung ba'i chos grar phebs te tshang ma ni ma song / rkyang chen pas dbyar dgun gyi phar tshad gsung ba rnams kyang legs par gsan/ lan cig spyan g.yas nas/ ston pa dge legs phyag phyir khrid nas bros thabs su yol rin chen gling du/ mkhan chen sangs blo ba'i sar phebs bla ma'i rnal 'byor zhus/ sbyor drug gsan par ba rtsom pa'i tshe/ ston pa dbang 'od dang brtan pa 'bum gnyis rjes bsnyag tu slebs nas/ phyir ldog dgos pa byung bas/ slar spyan g.yas su bzhugs te/ mkhan chen sangs rgyas brtan pa'i drung du dmigs pa skor gsum/ blo sbyong don bdun ma/ rma bya dug 'joms/ mtshon cha 'khor lo/ lhan thabs bzhi pa/ byams pa'i rnal 'byor pa'i glu/ rtog pa 'bur 'joms thun brgyad ma/ sems pa'i rim pa/ rten 'brel snying po'i khrid rgyal sras pas mdzad pa/ ku su lu'i tshogs sog sgrol dkar gyi tshe sgrub/ skyid sdug lam khyer/ bla ma'i rnal 'byor la sogs pa gsan/ mkhan chen pa 'di dang / slob dpon shes rab dar pa dang / mkhan chen sangs 'bum pa rnams kyis legs par thugs rjes bzung na'ang phyis de rnams la zhabs tog chebar ma grub/ de rnams kyis thugs rjes bzung ba yin zhes yang dang yang du [A:19]gsung / mkhan chen dbang dpal ba dang / de'i dbon mkhan chen byang dpal ba/ mkhan chen gzhon nu seng ge ba rnams la'ang chos 'brel tsam re gsan/ khyad par mkhan chen sangs rgyas 'bum dpal ba la donayod zhags pa sang rin pa nas rgyud pa'i thugs rje chen po'i smyung gnas kyi skor gsan nas spyan g.yas su dkar phyogs gcig kyang btang / de'i tshe ljags kyi dkyil na sran che ba gcig yod pa de'i byin brlabs kyis rdo la/ jo bo'i lam yig dang / be'u bum sngon po'i 'grel pa lha 'bri sgang pas mdzad pa'i lung yang gsan/ re shig yar 'brog sga 'drar chab tshan la phebs pas/ chos rje shes rab dpal ba zhes bya ba'i grub pa'i dbang phyug de dang mjal/ khong