[B:8a] sku na bgres pa/ na bza' sdug po skyug bro ba cig bzhes/ snyan g.yas g.yon gnyis la lug gi sog pa'i snyan cha re btags nas bug sgo 'gag de na bzhugs nas/ khong rang gi gsol lhag dang zag pa rnams bsres te mi rnams la 'gyed pa cig 'dug gsung / chos ci gsan zhus pas chos ra re tsam ma gtogs cher mi gsung ba yin par 'dug nged tshe la sdig pa spongs/ dge ba bsgrubs/ byams pa ma byon gyi bar du sdod bsam pa ma byed/ ces pa de gnang ba yin gsung / de nas rtse thang du phar phyin/ dbu ma 'jug pa/ spyod 'jug rgyud bla rnams kyi gzhung skyur gra skor mdzad pas/ slob dpon bsam bzang pa ni/ gra skor 'phyis pa yin zhes bka' bkyon/ ngas ni de'i bar la yon tan mang du bcang gsung / phar phyin gyi thugs sbyong la zug rjes su slob dpon bsam bzang pa'i phyags phyir rngo thog pa chos rgyal ba yang tshad ma'i slob gnyer la byon byung pas mtshan mo bshar sbyang tshar ba'i rjes su thams cad 'phros gtam byung ba la/ [A:20]slob dpon chos rgyal de rdo thog tu bshad sar gyi stengs su chos bshad pa yin zer bas/ 'chad chos gang la byed khyed kyis ci la byas dris pas chos lnga la byas zer/ de gang la zer gsungs pas/ sa bcad lnga 'dug pa de yin pa 'dra zer/ de thon par 'dug gam gsung bas/ chos lnga'i rtsa ba de bton byung bas/ chos 'di la chos kyi khog chen po cig yod par 'dug pas 'di cis kyang rtsad gcod dgos dgongs pa byung ba yin gsung / dgung lo nyi shu rtsa gnyis bzhes pa sbrul
spyi lo 1413lo
gyi dbyar sos de skyid shod du gra skor la phebs/ de'i mod la skyor mo lung du slob dpon bsam gtan don grub pa'i drung du dbyar chos gcig nas ston chos kyi bar du bzhugs nas 'dul ba mdo rtsa ba dang mngon pa mdzod tshar re gsan/ tshes bcu bzhi dang bco lnga byung res kyi smyung gnas mdzad pa'i zla la smyung gnas mdzad cing / smyung gnas dang rtag tu ngu'i bcud len gyi lung yang thob/ chos dpon du chos skyong bzang bo ba bzhugs pa'i dus chos 'chad pa'ang gsan/ de dus stod lung rnam par du chos rje de bzhin gshegs pa bzhugs pa'i sar/ slob