[B:10a] kyi bshad pa song ba'i mtshams su nA ro chos drug gi khrid gnang bar 'dug pas gsan par bzhed pa na/ dbang ma thob pas chos rje gung snang ba la/ bde mchog lus dkyil gyi dbang zhus te/ nA ro chos drug ji ltar gnang ba'i gsung la zin bris kyang mdzad/ de thon nas rtsa she'i rab byed tha ma dang / slob dpon dpa' bos mdzad pa'i sangs rgyas kyi skyes rabs/ tshad ma'i lam rim/ byang chub ltung bshags rnams kyang gsan/ 'dul ba 'dzin pa grags pa rgyal mtshan pa yang phyag phyir phebs pa la gsang sngags lam rim/ 'jigs byed kyi mngon rtogs/ lhan thabs sbyin sreg gi cho ga rnams gsan/ sngags rim la mtshan nyid lam rim gyi rgyud pa 'dra ba zhig yod dam dgongs nas 'di'i rgyud pa ji ltar lags zhus pas/ bdag gis rje rang la zhus pa yin gsung nas rgyas par mi gsung der chos rje mi nyag pa'ang phebs byung ba la/ sgrol dkar gyi tshe sgrub gsan/ mi nyag pa de sku skye ba snga ma rje rin po che'i sku skye snga ma'i yum yin pa de'i rgyu mtshan gyis rje la thugs shin du nye ba cig yod par 'dug gsung / rje rin po che de gnyal gyi mo la'i la rtsar dgong gcig bzhugs pa'i dus su/ rje btsun byams pa sku ri rgyud tsam gzigs pa'i zhal nas/ rigs kyi bu sangs rgyas 'jig rten du byon pa 'dra ba cig 'byung bar shes par gyis shig ces lung bstan pa ltar byung ste khong gso sbyong mdzad pa la phebs pa'i tshe ri thams cad kyang 'gul zhing yod pa snyam byung la/ gso sbyong gi las la mi dbang ba'i skye bo tha mal pa'i tshogs pa zad nas blta ba rnams kyang dad pa rang dbang med pa skye[A:25]bar 'dug gsang ba'i bdag pos las kyi rdo rje la gsungs pa na/ 'di'i yon tan gyi mtha' nged kyis kyang mi rtogs gsungs pa de las lhag pa'i bsngags pa brjod rgyu mi snang na'ang / rjes su 'jug pa rnams zhu lan bdud rtsi'i sman mchog la de tsam gyi rtsis med/ rje rin po che de gdul bya phyogs gcig pa tsho cig 'dul du byon par 'dug pas/ grub pa'i mtha' rnams kyang gdul bya'i bsam pa'i dbang gis 'byung ba yin te/ dper na/ gnas der