[B:10b] drang nges rnam 'byed gsung ba'i skabs su/ 'dir bshad pa dang 'gal ba min pa'i drang nges kyi 'byed lugs shig theg pa chen po rgyud bla ma nas bshad 'dug ces tshogs su gsung na'ang / gdul bya rnams la de'i snod med pas phrin las de 'dra la gsung de byung ba'i dus su maNDal phul nas gsol ba 'debs mi gcig kyang ma byung / nged rang gi kha mkhos la dpes pa'i blo bskyed shin tu che bar byung / thos pa tsam la mi 'jog par rang gi shes rab kyis gsung rab la legs par dpyod pa dang / 'phral gyi mdzad pa'i tshul rnams rje kho na la thugs dad pa yin no/ lug gi dgun de dus 'khor la thugs sbyong bar bzhed nas bla ma rkyang chen pa'i drung du gsol ba btab pas/ de la sbyor drug gi khrid thob dgos gsung / bsam gtan gling lta bur bzhugs nas khrid gnang bar zhus pas nga khrid byed kyi med gsung / 'o na su la zhu zhus pas 'ju lha khang stengs su du zhus gsung / 'di la khrid gnang ba zhu gsung ba'i zhu yig gcig gnang na yong ngam zhus pas los yong nga'i bla ma yin gsung nas zhu yig mdzad pa bsnams nas lha khang stengs su gsol ba 'debs su phebs pas chas kha khyer la byon cig gsungs/ de nas chas kha bsnams nas phebs te dus kyi 'khor lo'i mchog dbang / sbyor drug gi [A:26]sor bsam yan nyams khrid du gnang / ngo sprod gsang don rab gsal gyi lung / bla ma gsang 'dus dang thod phreng rtsal gyi dbang rnams gsan grub pa'i 'phral du/ bla ma rkyang chen pa shAkya shrI chu mig dgon sar du spyan drangs nas dpal dus kyi 'khor lo'i rgyud 'grel pa dang bcas pa 'jam dbyangs chos mgon pa'i sa bcad dang mchan bu la brten nas gnang ba la/ bar chad 'byung nyen yod ces shin du 'grus par gsungs pa'i tshe| ngas yid gzhungs nas nyan/ nga'i zla la slob dpon chos dbang yod kyang / khong chos zug 'phral la gnyid du 'gro zhing 'dug zhag nyi shu rtsa brgyad la bshad pa rdzogs pas/ lung lta bur song na'ang byin brlabs kyis thugs bskyed che bar byung gsung / sngar chos rje rgyal