[B:12b] su phebs khar slob dpon pa'i drung du/ bdag re shig yon tan gtsang cing gtsang phyogs su phyin na bsam pas/ dbon po kun rdor la ngo sbyor mdzad pa zhus nas gtsang phyogs su phebs pa'i lam zhig tu/ [A:30]khams pa mi nyag rta pa chang gis myos pa zhig rting la byung / lam zur zer bas bzur byon yang / des ral gri bton nas ded cing rgyab pa/ sku rgyab kyi 'bog khres laphog kyang rma ma byung / slar brdeg par brtsams pas ral gri sa la lhung / der thugs ngar langs te/ rta rgyab tu rgyangs kyi mchongs/ gri chung yod pa bsnun rtsis kyi mod la gnyen pos zin/ rta kha nas sa la bskyur ba tsam ma gtogs gnod pa gzhan ci yang ma byas gsung / shangs kyi ri bo dge 'phel du kun mkhyen shangs pa'i drung du phebs pas myug phyogs su phebs nas mi bzhugs par zhag gsum tsam song ba dang phebs byon bas/ gzims khang la phebs pa'i lam gyi rdo stegs cig la sku ngal mdzad pa'i sku mdun du phyag phul/ bdag dbus phyogs nas 'ongs pa cig lags/ khar sang nas rin dpungs su chos bar la 'ongs/ de nas 'dir zhabs drung du 'ongs pa lags/ dus 'khor rgyud 'grel gyi bshad pa cig la 'dod pa che bar yod pas thugs rjes 'dzin pa cig 'ong ngam bsam nas 'ongs pa lags pas thugs rjes 'dzin par zhus pas/ 'o de legs ngas ri mgo 'dir bsdad nas dbang cig kyang nar mar byas pa yin te/ slob dpon gzhon blo ba'i gsung ma legs pa cig gis dus 'khor gyi dbang tshun chad nas zhu mkhan mi yong bar 'dug nyid dus 'khor rgyud 'grel la 'dod pa yod pa de legs gsung nas zhal gyis bzhes byung gsung / der zla ba lnga'i bar du bzhugs nas rgyud 'grel gyi bshad pa legs par gsan/ chos thun de'i ngo skal gyi chos rje bla ma'i Tika'i lung yang 'phral du gnang / bshad pa ni/ bu ston thams cad mkhyen pa'i sa bcad dang mchan bu la brten nas/ gsung ba'i bshad pa grol khar/ da nyid kyis dus su 'khor legs par shod cig[A:31]dang por dus 'khor rang la 'jug pa dka' bas rtsis bzhin slobs la de rjes dus 'khor la sbyor