[B:13a] gsung ba'i bka' lung bzang po yod/ bla ma des thugs rjes bzung sku drin che zhes yang dang yang du gsung zhing spyan chab kho na 'byon pa yin/ dbang nar mar gnang pa rnams kyang legs par gsan pas/ mchod g.yog rnams kyis dkyil 'khor gyi thig 'debs pa rnams la 'phral du gzigs pas thig rnams kyang tshegs med du mkhyen/ dge bshes khra hral na re nged gnyis drung chen dpal bzang pa 'di la thig cig bslabs pa 'thad zer bas thig rang la slob dpon zur du bsten mi dgos par 'dug mi zhu gsungs/ phyis su song dus khong skyes bu dam pa de la chos mang du zhu rgyur 'dug ste/ ma shes par snang gsung / kun mkhyen pa'i drung du dbang gsan pa'i skabs su zangs kyi gtor cha cig yod pa phul bas des lang phyid cig mi yong gsung / dbu ma lugs dang sems tsam lugs kyi thugs bskyed kyang legs par gsan/ bu rin po che'i mngon dkyil gyi steng nas dus 'khor gyi dbang yongs su rdzogs pa/ glo bo lo tsA ba nas rgyud pa'i dus 'khor sdom chen gyi dbang / dge ldan gdan sa ba chos rje legs pa bas gsol ba btab nas de'i zhar la chos rje bla ma'i yig cha'i steng nas dus 'khor gyi dbang yongs su rdzogs pa/ gshed dmar lha bcu gsum ma/ dgra nag gdong drug gshed dmar lha lnga/ bde mchog lu i ba/ nag po ba/ dril bu ba/ kye rdor sa lugs kyi rdul tshon dang / lus dkyil gyi dbang bskur/ gzhan yang 'khor lo chen po/ mkha' 'gro rgya mtsho/gsang 'dus mi bskyod pa/ 'jam rdor/ 'jig rten dbang phyug gur rigs bsdus/ rnam snang mngon byang / tshe dpag med 'chi med rnga sgra dze tA [A:32]ri'i lugs/ rgyud sde lnga'i dbang / sbyong rgyud dkyil 'khor bcu gnyis las/ shAkya thub pa/ tshe dpag med/ phyag rdor gsum/ don zhags lha lnga'i rig gtad/ sgrol ma ku ru ku lle'i byin brlabs/ 'jam dbyangs smra seng gi rjes gnang / rigs gsum spyi'i rigs gtad/ spyan ras gzigs phyag