[B:15a] dge ba bya ba ston kha dge ba byed pas ston dge ba zer ba yin pa 'dra gsungs bas ston khar song ba dang ston dge ba gshegs pa la sogs mang du yod gsung / 'bel gtam mang du gnang zhing thugs dgyes pa cig byung / sku mdun du yang yang shog gsung nas ja mang du gnang ba'i lo rgyus kyang gsung / byang chen du bzhugs ring chen po lo tsA ba'i gzims khang nor bu gdengs ka dang chen po sher 'od pa'i spyil por bzhugs/ sku yon thams cad kyang tshags su chud/ gzigs pa tsam gyis tshig rnams kyang tshegs med du byon/ bsam pa [A:36]las byung ba'i thugs rab kyi klong rdol bas snar thang dang byang chen la sogs su dge ba'i bshes gnyen chen po rnams dang / mi chen po rnams kyi thugs su bab nas che phra thams cad kyis bkur cha chen po mdzad cing 'bel ba'i bka' mchid kyis dus 'da' bar gyur/ dus phyis su song ba'i tshe yang gtsang phyogs kyi gra pas snar thang kho na la thugs zhen che/ spyil po rnams dang mi'i ming rnams kyang mi mkhyen pa med pa 'dra ba cig yod/ chos rje lha khang steng pa de yar klung sprul sku'i sras la rnying ma'i skor rnams legs par gsan nas mkhas par mkhyen pa cig bzhugs te/ sku na bgres pas zhu bar ma spobs/ 'ju'i ma Ni mkhar na slob dpon lhun po zhes bya ba sras gnyis yod pa cig bzhugs pa des dang por mtshan nyid la sbyangs nas phyis srong btsan pa'i slob ma byas te rnying ma mkhas par mkhyen zer bas rnying ma rnams gsan par bzhed na'ang stabs ma 'grig de nas thugs kyi bzhed pa shin du che bar byung bas rta nag tu chos rje sgrol ma pa'i drung dru phu gsum pa sangs rgyas bzang po bya ba la zhu yig bskur nas btang pas/ byon gsung pa'i zhal ta bzang po byung ste dgung lo nyi shu rtsa brgyad bzhes pa phag lo'i
1419lo
dpyid de rta nag tu sgrol mar phebs/ slob ma gnyis ni spyan g.yas nas ston pa bstan pa 'bum grogs mched gnyis bsam grub rtse pa'i hor 'dra la 'ongs pa bzlog par mdzad nas phyag phyir srel ba yin/ chos rje sgrol ma ba'i drung du mjal sgyu 'phrul zhi khro'i dbang / sgyu 'phrul gyi tshe dbang / dong sbrugs kyi