[B:15b] dbang / sa lugs kyi phur pa lha khra'i dbang / rig pa'i rtsal dbang bco brgyad/ phyag rgya zil gnon gyi dbang / sna bo ba'i rta mgrin bde gshegs 'dus pa'i rjes gnang / chos rje bla ma'i dmar khrid mun khang ma/ grub chen [A:37]me long pas mdzad pa'i khrid yig gi steng nas snying thig gi khrid spros bcas la sogs pa'i dbang dang bcas/ a ro snyan rgyud kyi skor/ g.yung ston pa'i TI ka'i steng nas gsang snying gi bshad pa/ spar khab/ lam rnam bkod/ dgongs 'dus/ de'i 'grel pa mun pa'i go cha la sogs pa rnying ma'i skor gyi po ti mi gcig pa lnga bcur nye ba cig la thugs sbyong chen po mdzad pas mkhas bar dgongs/ dang po lam rnam bkod la thugs 'gro bar byung nas legs par gzigs shing thugs kyis dpyad kyang dka' bar byung / chos rjes gsungs dus dbu nas chos thun gsum tsam song 'tshams gzhung gi gsham rnams na mar khrol mar dgongs byung ste de byin brlabs su 'dug dang po nged rang gis sems kyis dpyad pa rnams phyogs su song ba dka' bar byung legs ldan gyi rjes gnang cig zhu bar dgongs pa'i tshe drung chos grags pa'i zhal nas ngas zhus pas dka' bkyon chen po cig byung nas gnang ma btub gsung bas zhu bar ma spobs/ jo bo'i chos chung brgya rtsar grags pa la chos tshan brgyad bcu rtsa bzhi yod pa gsan/ phur pa'i dkyil chog gi thig rtsa 'di sus kyang 'bru ma non gsung bas gzigs pas yud kyi dgongs nas 'di bzhin 'debs par 'dug zhus pas shin du mnyes/ snar thang pa'i dge bshes ye shes dpal bya bas phyags phyir 'brangs nas zhus pas dbu ma 'jug pa la sbyor TIka'i cig brtsams/ der bzhugasaring la dbang khrid lung 'bel gtam gyi dri ba'i 'phra bcad pa rnams kyi dus 'da' bar mdzad/ chos rje yang shin du thugs dgyes par byung / dgongs yul gyi gsung rab kyi go ba rnams kyang sa log gnam log tu song / spyir bla ma rnams sku drin che/ chos rje sgrol ma ba sku drin shin du che zhes yang yang gsung / chos rje'i gsol ja pa [A:38]bsod nams dpal 'byor la spyod 'jug gi bshad pa nyin gnyis la tshar ba cig gsungs/ khong skyes bu dam pa cig yong / chos rje gshegs nas gzims khang kho nar mi tshe skyal/ mtshams khongs nas khrid re tsam ni btab 'dug gsung /