[B:25a] 'dus pa'i rgyud phyi ma rnams gsan/ de'i chos grol nas lha sa jo bo'i drung dru byin brlabs zhur phebs pas/ rgya dur nas spyan 'dren gyis sleb/ da phebs pa zhu mkhan po bzhes par yod zer bas byon/ de na yin na chu po rir slar yang mdo sde rgyan gsan zhing bzhugs pa'i dgongs pa mdzad/ bzad ston blo gros rgya mtsho ba de thugs dgyes par byung nas phyis tshur la dus 'khor gsan par bzhed na'ang cung zad stabs ma 'grig pa yin zhes kyang zer/ de'i dbyar sha de rgya dur gyi mkhan po gtad/ de nas nga skyid pa yin/ nga rang bsam na'ang da de nga dge bshes kha 'dra cig bsam pa byung / lar rgya dur de bar chad rang du byung / gang gi yang rten 'brel ma 'grig btsun chung gnyis slob gnyer byed zer bas de'i rgyags su gser zho gang gnang ba la/ da dbang mi 'chol bar 'dug zer nas slob dpon gzhan gyi thad du bros pa'ang byung / nga rgya bo 'di'i dur yin pas rgya dur zer bar 'dug gsung / lcags mo phag gi lo
1431lo
la chosarje sems dpa' chen po gra na bzhugs pa'i sku mdun du phebs te gsang 'dus sgron gsal rje'i mchan mtha' gcod dang bcas pa'i steng nas bshad pa legs par gsan/ rje rin po che'i bde mchog 'grel ba dang bde mchog lU i pa dang gsang 'dus mi bskyod nga'i mngon rtogs kyi lung yang gsan/ de dus phyags phyir dge slong sang chos yong/ sems dpa' chen po'i sku mdun du grub pa'i mtha' phyogs med la 'bel gtam mang po mdzad pas sems dpa' chen po'i bka' lung la/ bla ma gzhon nu dpal 'di grub mtha' gang ma byas na dga' ba de kha byed/ de la nged rang gis rgol na ni khong 'gram je bzang la 'gro bar 'dug gsung / gsung [A:60]chos thon pa'i nyin chos rje rang gi mdzad pa mdo tsam zhig gsungs nas/ rje rin po che dang ma mjal na skom dril 'chi bar 'dug pa/ sku drin la gsung nas spyan chab mang du 'byon gyi 'dug gsung / de nas spre'u zhing du rin po che'i drung du phebs nas/ mtshan brjod phan yon dang bcas pa/ rnam snang sgyu dra/