[B:25b] bshad rgyud rdor phreng / rtog bdun/ rtog gsum/ dam rdzas kyi rtog pa/ gdong drug gshed mar rim par phye ba bcu dgu pa/ rdo rje snying po rgyan gyi rgyud/ phyag chen thig le/ ye shes thig le/ de kho na nyid kyi sgron ma/ nges brjod bla ma/ rnal 'byor ma'i kun spyod/ khrag 'thung mngon 'byung / phag mo mngon 'byung / rdo rje mkha' 'gro/ mnyam sbyor/ de'i phyi ma'i phyi ma/ bde chen ral gcig sangs rgyas thod pa/ dpal mchog sgrol ma ku ru ku lle'i rtog pa le'u lnga pa/ de nyid 'dus pa/ rtse mo/ rnam snang mngon byang / de'i rgyud phyi ma/ dpa' bo cig grub/ legs grub/ bsam gtan phyi ma/ phyag rdor dbang bskur/ gsang ba spyi rgyud/ rab gnas mdor bsdus pa'i rgyud/ ngan song sbyong rgyud kyi rtog pa phyogs gcig pa/ gzungs gra lnga la sogs pa 'thus nas gsan/ de'i rjes su rin po che pas rgyud 'bum gyi lung lan mang du mdzad kyi 'dug pas/ de dus ngas sku nas kyi zhu ma spobs pa lags zhus pas/ khyed rang gi de khas chog pa yin yong bsam byung / bdag gis nus par yod pa yin te gsung byung / rin po che pa des thugs rjes shin du 'dzin pa'i stobs kyis khyed kyis bdag gi rnam thar cig cis kyang gyis gsung yang bdag gis ma nus pa yin gsung / gzhan yang a bha yA'i man ngag snye ma dang / stobs po che/ 'phags pa kun du bzang po la sogs pa gzungs [A:61]lnga bcu tsam gyi lung gsan/ de'i ston kha dpon bzhi 'dzom pas chos rje byams gling pa'i ched du zha lu rin po che grags pa rgyal mtshan pa gong dkar du spyan drangs nas yo ga'i bu ston rin po che'i yig cha yod pa rnams kyi dbang mdzad pa gsan du phebasate/ rigs lnga lha khang du bzhugs/ 'phral du dkyil chog rnams kyi lung yang gnang / der yang dus rgyun du dge ba'i bshes gnyen rnams dang chos bgro ba 'ba' zhig gis dus 'da' bar mdzad/ nyin cig mkhan chen kun rgyal ba na re/ gra lnga de bltas pa'i tshe nged rang gi sha khrag dum tsam 'di'i steng du rngam pa'i