[B:26a] 'byung po cig gis khengs yod par 'dug gsung pa la/ de la zhed mi dgos de rnams las mthu che ba'i sangs rgyas byang sems mang pos khengs yod gsungs pas byams gling rin po che'i gsung nas padma bzang dang 'di gnyis la ham pa cig rang yod gsung du byung / gong dkar na bzhugs pa'i tshe/ chos rje rgyal tshab rin po che gnas rnying la phebs pa'i rtsis gnang nas phebs/ mnyan po gnas su zhag gcig bzhugs pa'i sku mdun du byon nas rje btsun 'jam dbyangs kyi bzlas lung cig gsan/ chu pho byi ba'i lo la rtses thang du bzhugs nas chos mang du gsungs/ de lo dbang grags pa rgyal mtshan gshegs nas chos kyi rgyal po grags pa 'byung gnas pa khri thog tu phebs/ de'i dgun gong nas skyid shod phyogs su gzhis skor la phebs pa'i phyags phyir rtses thang nas dge ba'i bshes gnyen gsum phebs pa'i sgres pa la byon nas/ dge ba'i bshes gnyen rnams dang 'bel gtam mang po dang bgro gleng mang du mdzad/ glang lo'i
1433lo
dpyid grub pa'i dbang phyug nags kyi rin po che phyags phyi ba 'ga' zhig gis bskor/ lo tsA ba yang chos 'khor lo tsA ba dang 'bri khung lo tsA ba zer [A:62]ba gnyis dang bcas nas rtse thang du phebs pa'i tshe/ sku mdun du phebs nas dri ba mang du zhus/ khyad par nyid la byang chub kyi sems yod dam zhus pas cung zad yod gsung na'ang zhag bcu gcig gi bar du phyag kyang ma phul/ de nas thugs kyi ngang rgyud/ sku'i spyod lam/ sku yon tan gyi mkhyen rgya thams cad dpag par dka' bar dgongs nas/ slob dpon klu sgrub kyis mdzad pa'i sbyor drug gi rgya dpe gcig phyag na 'dug pas de legs par gsan/ de sgron gsal gyi sbyor drug logs su phyung ba lta bur 'dug gsung / de rjes su'ang brgyad stong pa/ rdo rje phreng ba/ rdo rje gur/ mtshan brjod kyi 'grel pa nyi ma dpal ye shes kyis mdzad pa/ bi bhu'u tis mdzad pa'i de'i 'grel bshad/ don yod lha'i 'grel ba/ dbang mdor bstan gyi 'grel pa/ nA ro pa/