[B:26b] sA bhu pU tra/ byang chub rdo rje gsum gyis mdzad pa/ chos 'byung zhi ba'i mchod chog mngon rtog rgyan/ mdo sde rgyan/ dbus mtha' rtsa 'grel/ nyi khri rnam 'grel/ rnam 'grel le'u dang po'i 'grel bshad/ slob dpon ka lu kas mdzad pa/ dbu ma tshig gsal rnams kyi rgya dpe gzigs nas skabs 'gar dri ba dang bshad pa mang du gsan/ gzhan yang dpyid thig shAnti pa'i dbang nges bstan/ do ha la sogs pa'i rgya dpe rnams kyang gzigs nas dri ba mang du zhus pas mkhyen pa'i mtha' mi mngon par dgongs par gyur/ bde mchog lU i pa'i dbang yang gsan/ zhabs tog kyang mang du mdzad thub gsung / de'i ston ma dbyar rgyal bzang du gong ma chen po'i dgongs rdzogs la bka' 'gyur bzhengs pa'i zhu dag gi dpon la phebs/ de'i zhar la chos rje rin po che nam pa la sogs pa'i dge ba'i bshes gnyen 'ga' zhig la chos gsungs/ stag gi lo la zha lu rin po [A:63]che grags pa rgyal mtshan pa sne'u gdong rtser phebs pa'i sku mdun du phebs nas grub pa sde bdun de kho na nyid bcu pa lhan cig skyes pa'i rdo rje'i 'grel pa dang bcas pa'i lung gsan/ gong gi bka' lung la slob dpon gzhon nu dpal gyis zha lu 'gro myong ngam gsung / zha lu rin po che'i zhal nas/ khong pa zha lu dang tshor mi 'byon lags/ 'ug pa lung dang tshor 'byon pa lags gsung du byung / chos rje gung snang ba glang paNDi tar grags pa de la rje rin po che'i yig cha'i steng nas gsang 'dus mi bskyod pa dang / tshe dpag med grub rgyal ma lha mangs kyi rgya gzhung la brten pa dang / sa skya blo chen gyi yig cha'i steng nas gdugs dkar gyi dbangarnams gsan/ yos lo
1435lo
la bsam gtan gling du bzhugs nas ting nge 'dzin la gtso bor mdzad/ da ltar gyi bsdus pa ba rnams kyi mtshang legs par dgongs/ thugs dam gyi lhongs che bar byung nas snyun drag po zhig gis btab pa na/ yar 'brog gi glang lung du chos rje nam mkha' bzang po ba'i sku mdun du phebs par bzhed pa yang shar/ de nas thugs kyi dgongs pa legs par btang nas chos brgyad kyi mgo snyoms pas phan par byung /