[B:30b] mdar phebs nas/ zhag bcu bzhi'i bar du bzhugs pa'i sku mdun dpal mkha' spyod dbang po'i chos drug chen mo/ karma pakshi'i dam tshig gi bshad pa dpal rang byung rdo rjes mdzad pa dam tshig rgya mtsho zhes bya ba'i lung gsan/ thugs shin du dgyes par byung nas zhabs kyi mthe bong la hor yig gsar gyi rgyal me ri'i dbus na bzhugs pa'ang ston pa gnang bas ngos 'dzin zhus/ slob dpon bsod bkras pa'i gsung nas da lan dpon slob 'phrod pa byung ba shin du legs/ gzhan khong dpon slob mtshan nyid pa rnams la gzigs lugs zur pa cig 'ong gi 'dug zer/ de'i dgun yang snyon phug tu gtso bor thugs dam kho na la bzhugs/ bar skabs su slob dpon bsod bkras pa dang dge bshes bsam she dang dang dge sbyong gcig ste gsum la rnal 'byor yan lag drug gi khrid gnang / spre'u lo'i [A: 72]
1440lo
dpyid sgam po skor du phebs nas zhag gsum bzhugs/ dpal sgam po pa'i sku 'dra rin po che'i sku mdun phebs pa'i tshe mjal ma khad tsa na gson ma'i snang ba shar gsung / zangs lung du yang gnas skor du phebs/ 'gro mgon rin po che la thugs dam 'khrungs pa'i de'u shar ma'i khar yang dum zhig bzhugs rin po che la mjal ba ni ma byas gsung / de nas spre'u lo'i ston dwags po la bar du phebs nas chos rje'i mi 'babs pa bsod nams rin chen pa'i drung du dpal mkha' spyod dbang po'i skyes sbyor/ ngo sprod gnad kyi me long / gsal ba'i me long / gsang ba'i me long / sems gsang mi 'gyur kun grol/ brgyud pa'i gsol 'debs/ ri chos gcig shes kun grol/ gsung sbyar snying po legs grub/ gdod ma'i rgyal ba rab gsal/ 'khor brtag dbang po'i tshon mdzes/ ma cig lab sgron gyi rnam thar gleng bzhi'i le'u/ bla ma'i rnal 'byor/ dkar 'gyed/ dmar 'gyed/ ma rgyud pha rgyud kyi gsol 'debs/ gtor ma/ snyan rgyud gong khug ma/ gcod kyi dmar khrid/ lhan cig skyes grub dpal mo'i 'grel pa dang bcas pa/