[B:31a] chos rje rang byung rdo rjes mdzad pa'i gcod khrid dang / zab mo nang don rtsa 'grel/ chos dbyings bstod pa'i 'grel pa/ de bzhin gshegs pa'i snying po ston pa'i bstan bcos/ sku gsum ngo sprod kyi khrid rnams dang / mi nyag shes rab bzang pos mdzad pa'i do ha'i khrid yig do ha skor gsum/ rmangs do ha'i rnam bshad/ rten khyad par can bla ma'i mtshan nyid/ brten pa khyad par can slob ma'i mtshan nyid/ brda' dang thabs khyad par can/ 'bras bu khyad par can/ sgro 'dogs gcod pa'i chos brgyad/ brgyud pa'i lo rgyus te par phu ba'i lugs rnams dang / nges [A:73]shes bskyed pa'i gtam rgyud rnams gsan/ ri mi 'babs pa'i gsung nas khyed rlung 'dzi na zhing yong pa yin nam gsung / med lags zhus pas ngo la ltas na yod pa 'dra gsung / der zla gcig song pa dang / da byon gsung / dang po la lta shes/ nged rang rkyang par phyin na chos mang du thob par 'dug pa la de res byang rtse ba la sogs pa'i zla bo mang du yod pas thugs so ma bsod pa 'dra/ rtag tu thugs dam mdzad pas sku lus las su rung nas/ nyin rangs par gsol ja gsol yang sku khams gsang thebs res zhag re thub/ gsol zhib kyang 'bul ba gang snga nas bzhes/ lar gyi ngo mtshar che khong phyag rgya chen po'i lta ba 'di ngas kyang blos mi gtong / khos kyang nga blos gtong mi 'ong / dge ldan pa'i ngang tshugs 'di ngas kyang kho blos mi gtong / khos kyang nga blos gtong mi 'ong gsung nas ngang tshugs shin du dam par mdzad gsung nas shin du gus pa gnang / spre'u lo'i dbyar kong por chos rje chos dpal ye shes pa'i drung du gsung chos mang du gsan pa'i phyir phebs par brtsams pa na/ sbyin bdag gi gsung nas de mdzad na 'khor 'di rnams la nor nyan pa cig mi 'ong gsung nas shol bsam thon pa yin gsung / 'bru mdar gshed dmar gyi dbang yang legs par gnang / de nas yar phebs par bzhed pa na sbyin bdag sku mched thams cad kyis gzhi phab nas bzhugs par zhus na'ang ma bzhugs/ de res dwags po phyogs su bzhugs pa'i tshe rang don