[B:31b] gzigs rtog dang ting nge 'dzin gyi rim pa yang shin du 'phel/ gzhan don dbang khrid bshad pa'i rim pa'ang dum re mdzad/ dge ba'i bshes gnyen che phra thams cad dang 'bel ba'i gtam gyis dus 'das/ khyad par slob dpon bsod bkras pa de dang po mtshan nyid kyi gra [A:74]sa chen po rnams su sbyangs pa chen po mdzad pas yon tan che yang grub mtha'i phyogs zhen dang khyad par du sgom chen pa la brnyas pa chen po byed pa la legs par bshad pas dag pa'i snang ba phyogs med du bkod nas/ dgung lo zhe dgu bzhes pa spre'u lo'i dgun yar klungs su phebs/ de nas sngar phyag mi 'tshal ba phyag 'tshal ldang ba mi byed pa rnams ldang ba byed/ 'dzum mi ston pa rnams kyang 'dzum ston gyi 'dug gsung / skabs shig sne'u gdong rtser stag lung chos rje kun spangs byang chub rgya mtsho ba phebs pa'i tshe/ de snga mjal ni ma myong / de nyin su'i yang ngo sprod 'bul mi med par ngo mkhyen nas bka' lung mang po gnang byung / de dus chos rje chos dpal ye shes pa rang dang 'dra bar mthong / stag lung pa mkha' spyod pa'i sku skye cig yin zer ba bden par 'dug bsam/ de rjes khong rnam gnyis 'dra po mi 'dug dang po mthong dus stag lung rin po che'i dbu lo mthing gi kha dog tu 'dug gsung nas rgyus can rnams la yod med dri ba yang mdzad/ bya lo'i
1441lo
dpyid gong ma grags pa 'byung gnas pa'i bka' lung gis gdan sa thel du dge ba'i bshes gnyen chen po du ma bsdus nas smon lam mdzad pa'i grar phebs nas rgod phrug chos rje 'jag spyil na bzhugs pa'i drung du nyin bzhin du bzhugs/ de thon rting sna mo rdzong du bzhugs nas/ chos rje rin po che nam mkha' blo gros/ chos rje rin po che lo chen/ sde snod 'dzin pa mgon po rgyal mtshan/ chen po bsod yes pa la sogs pa mang po la phar phyin la sogs pa'i gzhung chos dang 'bel gtam gyis chos kyi sgo mtha' dag la snang ba chen po rgyas par mdzad/ de'i dbyar 'on chos sdings su rgod phrug chos rje'i sku mdun du phebs nas/ grub chen u rgyan pa'i rdo rje gsum gyi bsnyen [A:75]