[B:34a] 'gyur ba dang / paN chen rin po che'i zhabs tog tu dgongs nas dgung lo mtho por phebs kyang dpon slob bcu gcig tsam gyis zla ba brgyad pa'i nyi shu bzhi la spyan 'dren du bteg nas mi dpon chen po rnams dang / dge ba'i bshes gnyen chen po rnams kyi gnas rim gyis brgyud de phebs pas so so nas zhabs tog dang bkur sti chen po mdzad/ ngur smrig gi jo mo'i drung du 'dod pa'i don grub cing bar chad med pa'i gsol ba btab pas byin brlabs chen po'ang byung / de'i btang rag tu phyir lam ras yug gcig phul ba yin gsung / zhu 'brog lha khang du bzhugs pa'i dus su gnas brtan chen po sangs rgyas kyi bstan pa la bya ba rgya chen po mdzad pa dpal grags pa dang u rgyan bzang po ba dpon slob bco lnga tsam phyag 'bul zhing chos 'brel zhur byon/ sngar las su mi [A:80]rung ba dag kyang khong gi phyag phyir btud nas nyon mongs pa yid la 'gyu ma myong ba snyam byed pa'i brtul zhugs bzung nas byung bas khong gis 'di yang 'di tsam du thul 'dug bsam nas khong la dang ba chen po skyes gsung / la stod byang nas lhor phebs pa'i lam du rje btsun ma sgrol ma'i byin brlabs kyi mtshan ma bzang po'ang gzigs/ bar 'brog la sogs pa'i lam 'jigs pa can rnams la phebs pa'i tshe chibs drel dang / khal rnams kyang sngar bas bzang ba dang / nyi ma'ang gzhan las ring ba dang / lam chod che zhing shin du bag phebs pa'ang byung gsung / de nas la stod sgang dkar du phebs nas zhag kha cig gi bar du bdag po lha btsan skyabs pa yab sras dang ma mjal/ khyed rnams ci la byon pa yin/ myang stod pa dang gnyen gyi lam dgag tu byon pa yin nam zer nas rtog tu byung ba la/ bdag dge bshes rgad po cig yin/ de'i don gyis myang stod pa'i