[B:35a] bzhugs mchi/ zhu yig gsol ba'i don rje khyed kyi sku gsung thugs kyi yon tan sangs rgyas thams cad dang mnyam par bzhugs pa las de'i phyogs tsam zhig bod yul ba rnams kyis shes/ khyad par chos kyi rgyal po grags pa 'byung gnas kyis thugs su chud nas gus pas brten pa'i gtam sku drung na yod pa rnams kyis zhus pa la brten/ chos rgyal kun dga' legs pa yang khyed la shin du dad pas spyan 'dren pa'i pho nya ba snga phyir mang du mngags/ bdag slob 'bangs rnams kyang na ning nas phebs par re ba la/ pho nya ba phal cher sku drung du ma sleb/ sleb pa rnams kyis kyang rkyen ci rigs la brten nas da bar ma phebs/ kha sang nas nor bus de nas kyi bka' yig la stod lho byang / rin dpungs/ sne'u gdong [A:82]rnams su rim pas 'phrod/ de la chos kyi rje rin po che khyed bod kyi yul du ci nas mi phebs su mi rung / nges pa kho nar spyan 'dren pa'i don du bdag dpon slob rnams kyi dad pas blangs/ chos rgyal kun dga' legs pas kyang bka' lung gnang nas stod lho'i bar du slebs pa lags/ bdag lus lci ba nyid kyis gzhon pa med par lam mi bgros pas bal yul du ma slebs na'ang bdag gi slob ma nam mkha' dpal 'byor bsod nams bkra shis/ bkra shis rgyal mtshan rnams sngar nas zab chos gnang ba'i slob ma lags shing / gu hya ar tha bha re Na zhabs drung du spyan 'dren pa la btang ba lags/ de la chos rgyal kun dga' legs pa/ rin spungs nor bu bzang po sku mched/ lho byang gi rgyal po gnyis dang bcas pa thams cad kyis thugs rtse gcig tu zhal ta'ang gnang / khyad par shel dkar rgyal pos/ chos rje spyan 'dren pa'i don la snga phyir spyad dngos mang du btang / dbus nas sleb pa'i pho nya ba snga phyi mang po'i 'thun rkyen yang sbyar/ da lan kyang thugs khur shin du che bar bsnams