[B:36b] na yod na gsung bas/ 'brom ston pas bod ston rnams la jo bo rje spyan drongs shig par yi ge bskur ba na/ dang po'i dge slong lugs 'byin dpon/ btsun chen ye shes blo gros dang zer ba 'dug pa zhus pas ci zer ci zer yang de 'dras thon byung de yi ger bris gsung pa dang / khyad par khong rang dus 'khor la shin du mkhas pas spyir dus 'khor skor dang/ khyad par rje btsun red mda' ba'i rtsod lan la dri ba mang du mdzad pas de'i lan rnams kyang lhug par gsol/ de dus lhag par dgyes pa'i stobs kyis dus phyis su yang khong rang gi brtsams chos mang po dang / gdan dang gser la sogs [A:85]rten bcas dang / dri ba mang po dang bcas pa'i bka' shog yang dang yang du phebs/ de nas paN chen seng ge rtsar phebs pa'i tshe/ chen po ser po ba yang byon nas 'bel gtam mang du mdzad pas/ / khong gi gsung nas sgom chen pa rnams sems kha dog tu grub bam dbyibs su grub rtsad gcod pa 'di nor ba yin zer/ 'o na rnam snang mngon byang na sems ni kha dog tu'am/ dbyibs su'am zhes brtag par gsungs 'dug pa gsungs pas/ de'i don kha dog tu ma grub zer ba yin zer/ sgom chen pa rnams kyang sems kha dog tu grub zer ba min gsungs pas khong ci yang mi gsung par 'dug yang khong chos rje chos rgyal ba'i grub mtha' bzung nas/ stong pa nyid kyi rnal 'byor 'di rnal 'byor rnams kyi mchog tu gang nas kyang ma bshad gsung pas/ nyi khri na rnal 'byor du bya ba ji snyed yod pa rnams kyi nang nas stong pa nyid kyi rnal 'byor 'di rab dang gtso bo dang mchog tu bshad 'dug pa gsungs pas yang ci yang mi gsung bar bzhugs song/ seng ge rtse nas phebs pa'i nyin rta pa mang pos sa skyel thung mdzad pa'i tshe/ red phu ba dpal legs pa zhes bya bas gsol ba btab nas/ rdzogs pa'i rim pa lce rtse rkan sbyor