[B:41b] phal cheb la/ mtshan mo cig la bzhugs 'dod byung bas tshos po la tsha tseg pa
ma yig 'di ltar bris yod rang sor bzhag pas dpyod
zhig byung nas phyag gis nyul bas gri gcig gyen du [A:97]bslang 'dug pa de sus byas dgongs na'ang 'khon du 'dzin pa mi mnga' bas 'grogs thub pa sogs kyis dpes mtshon par/ ches che ba dag gis phrag dog la bsten pa'i log sgrub sna tshogs byung ba la/ ci snyam du'ang mi dgongs par de la phan gang thogs mdzad pa ni/ byang chub sems dpa' chen po rnams kyi rnam par thar pa dang mtshungs pa nyid do/ chos zab mo la bzod pa rab tu thob pa dang/ mkhyen pa'i tshad sus kyang bzung bar mi nus pa dang / spobs pa'i mtha' gang la'ang gtugs pa med pa rnams/ sgrib pa med pa'i chos kyi sgo phul du byung ba mngon du brnyes pa'i khongs su bsdus shing / chos 'khor yang lhan tu brjod do/
12 'jig rten gyi gtam sna tshogs la gtso bor mi mdzad par dam pa'i chos kyi 'bel ba'i gtam kho nas dus 'da' bar mdzad pa zhes pa ni/
gzhan la blo gros kyi bskyed thon na/ nga'i 'chad nyan ngo bo 'di la byed pa yin/ gzhung bshad pa'i dus su bud la thal 'gro gsung nas 'bel gtam de yang / pha rol po shes rab dang ldan na/ de las 'phros te dka' gnad thams cad la dogs pa bslangs shing gtan la 'bebs/ blo brtul zhing rmongs pa dag la'ang 'jig rten pa'i gtam rgyud dang sbyar nas/ go ba dang bzung bde bar mdzad pa'i tshul/ zhal slob rnams kyi sems la rab tu gsal bar yod do/
13 dge ba'i bshes gnyen su la'ang phrag mi dog par yang dag par bstod pa mdzad pa zhes pa ni/
mkhas pa dang grub pa dang btsun pa [A:98]rnams/ la la dben par dgyes pa dang / kha cig gzhan phan lhur len pa su la'ang khong la 'di yod de 'di med ces bya ba la sogs pa'i skyon brjod mi mdzad par/ khong rang la gang 'dug gi yon tan nas bzung nas bstod pa brjod cing / mjal ba'i tshe yang phyag 'os pa la phyag dang / zhe sa 'os pa la zhe sa/ gdan kyis bstod par 'os pa rnams la'ang stan