[B:42a] bkur sogs mdzad/ dman pa'i skya ser ji lta bu mjal du byung na'ang / bag phebs pa'i gsung 'byon/ brtse bas skyong ci thub las khyad gsod mi gnang / ma nus pa gzigs pa'i tshekho'i mdun ma'i yo srong dang sems gso gzengs bstod de dge ba'i lam la sbyor ro/
14 sku'i spyod pa gtsang ba zhes pa ni/
dus rtag tu thugs kyi 'jug pa gtsang zhing shin tu grims pas/ zhal zas rnams kyang mang nyung ran par bzhes shing / bzhugs tshul na bza' bzhes lugs tshun sku grib dang bsnyel na ma gtogs nyin re bzhin du 'gyur ba can ma yin par nges bzung rtag thub pa bstar chags dang / gung tshigs sogs dus las mi yol/ gsung ngag mchog tu btsun pa las gzhan du gya tshoms mi mnga' ba'o/ mdzad spyod thams cad mtha' gnyis dang bral bar spyod pa zhes pa ni/ res skyob skyes pa skad du byas te ri'i rtse mo rnams su 'bros pa dang / res gzhan la phan pa brjod nas grong khyer gyi dbus su spyod pa lta bu'i mtho dman can mi mdzad kyi/ phal cher bas mtha'i gnas rnams su tshogs kyi dben pa bsten par mdzad/ res 'dod yon gyi nyes dmigs mthong ba skad du smras nas dka' thub chu 'thung dang / res rnal [A:99]'byor grogs lta bur ltas nas 'jol myog tu spyod par mi mdzad kyi/ sangs rgyas kyi chos gsung ba'i tshig dang po de/ 'gro ba zas kyi gnas par bya zhes bya bar 'dug rje sgam po pas kyang 'bal le zos nas 'bol le bsgoms bya ba gsung / lus ni dgra ltar mthong mod kyi/ de lta na yang de bsrung bya/ khrims ldan yun ring 'tsho ba na/ de las phan pa chen po byed/ ces gsungs pa yin zhes mthar ma lhung bar spyod/ res dgos pa med pa skad du smras nas lham dang ska rags tshun gzhan la gtong / res gzhan gyi nor la ji mi snyam par spyod pa'i ham pa yang mi mdzad par 'phral gyi 'tsho chas tsam la nyar chag mdzad pa yin/ res smra ba la dga' ba'i nyes dmigs rig zer zhing dris kyang lan mi 'debs/ res phan par 'doms pa skad du mi