[B:43a] pa rnal 'byor dang mi ldan pa rnams la'ang bsgom na 'di'o zhes pa'i rnal 'byor gyi nang bshad kho na gnang yang 'phral ni bsgom zer ba cig snga mo'i dus su byung na'ang da ci la zer ci cha ba skad du mdzad nas nga kha [A:101]bshad mkhan rtog ge skam po yin gsung / kha cig gis lung ston dri ba zhus dus/ de ci cha'o/ ngas ni brtsig pa 'di'i phyi na ci yod kyang mi things/ tha na rmi lam rno ba tsam yang med gsung ngo /
17 gdul bar bya ba ji snyed pa'i rgyud dam pa'i chos dang ci 'byor du sbyor ba zhes pa ni/
slob ma rnams la zhal bskos 'gro na dam pa'i chos thos bsam bsgom gsum mam bslab pa la gces spras su byed pa'am dge ba gzhan ci 'byor cig la nges par sbyor ba yin gyi/ rang blo nye ba tsam gyis 'jig rten gyi chos shig la nges par sbyor ba'i tshul mi mdzad pa 'di ni bla na med pa'i mdzadapa ste/ gang byed pa de la gtso bor bton nas slob gnyer byed na'ang mthun pa'i rkyen sbyor/ bsgom par spro na bla ma tshol lugs/ 'tsho ba sgrub tshul la sogs pa'i thabs legs par slob/ lugs rnam pa gnyis kyis yangs pa'i chab srid la mnga' mdzad pa dag kyang dus zings dang 'jig rten gyi phyogs su mi bskul bar dam pa'i chos kyi phyogs kho na gnang bar gsol ba 'debs par mdzad pa la sogs pa grangs kyis mi lang ngo / snyan pa'i grags pas phyogs kun du khyab pas che dgu thams cad kyis zhabs kyi pad mar phyag byas pa zhes pa ni/ sku'i snyan grags je cher song nas/ dbus gtsang gi mkhas grub ci rigs pa dang / sde dpon mi che ba mang pos chos kyi 'brel pas gsung gi bdud rtsi myang zhing / bya ba btang ste kun tu rgyu ba dang / sde snod 'dzin pa phran dang / dben pa'i gnas su bsam gtan pa dang / rig sngags 'chang du ma dang / dad pa dang ldan pa'i skye bo du ma dag gis kyang gsung gi bdud rtsi cha shas gsol bar mdzad [A:102]pa'ang mang du yod pa las/ zhal slob tshogs pa skyong ba'ang brgya phrag lhag pa bgrang duyod do/
18 mi mthun pa'i phyogs thams cad sgyu ma lta bu dang rjes su mthun pa'i ting nge 'dzin gyis bzlog par nus pa zhes pa ni/
sku na