[B:42b] nyan yang smra ba'i tshul mi mdzad par/ gang zag gi rgyud dang bstun pa'i spyod lam la mkhas te/ mdor na sku'i spyod pa dang mdzad pa thams cad gtsang zhing brtan pa'i phul du byung ba yin no/
15 'phral gyi rnam g.yeng thams cad je chung je chung du btang nas bya bral gyi brtul zhugs je bzang je bzang du gtong ba zhes bya ba ni/
sman gcig tu zhi byed gsan du phebs pa'i tshe chos rje rin po che byams pa gling pa zhes bya ba'i skyes bu chen po phan par bzhed pa'i thugs can de'i gsung gis/ 'dir sbyin bdag rnam pa yang shin du gus par 'dug pas nged kyis gzhis kyang zhus nas 'bul/ 'di bskor dubazhugs pa 'thad gsung ba la'ang / bdag la gzhis kyi dgos pa med pa'i rgyu mtshan zhib par gsol/ chos rje spyan snga rin [A:100]po che'i drung gis sa zhing mang du 'bul gsung ba'ang ma bzhes/ sbyin bdag gis ljang gi bkra shis dgon pa sa zhing dang bcas pa phul na'ang bzhes su ma btub/ nga yin pa rta rkun zhig yin te cung 'phyis byung zer ba ltar/ da bya bral de cung zad 'phyis byung te 'phral gyi 'tsho chas phyid phyin phyi tshis gang yang mi byed/ gshegs pa'i shul du mi la ras pa dang rje btsun grags pa rgyal mtshan gtsang shos su byed pa yin/ de gnyis kyang rje btsun gtsang bar 'dug rje btsun grags pa rgyal mtshan pa'i shul nas na bza' dang gsol zhal cha gcig byung / nged rang yang de'i rjes su slob gsung nas phyag tu gang babs thams cad dge ba'i phyogs su ci thengs mdzad/ mi'i ngo chen dang ngan rgyab bdag gnyer gyis kha dragami 'tshong / 'khor ngan gyi rjes su bang mi 'dur/ gzhan nor la phyag mi skyong / rang phyogs dang gzhan phyogs kyi sde ris mi gcod/ mi che dpral drag yus po che'i gdong mi len/ rang gi mdun ma gzhag nas gzhan gyi 'jig rten gyi shom ra mang po mi mdzad pa'o/
16 bsam gyi mi khyab pa'i mkhyen pa mnga' yang tha mal pa ltar mdzad pa zhes pa ni/
nges don rdzogs rim gyi lta ba'i dbyings dang chos skad kyi phra zhib thams cad sgom bzang po grub mthar bshad pa kho na yin pas yun du bsgoms pa'i bsam gtan pa thams cad la'ang ngo sprod de kho rang gi sgom nas 'khrid/ mang du thos