[B:45b] dang / shes rab kyi pha rol tu phyin pa'i snying po nyi shu rtsa lnga pa kha che'i paNDi ta bi na ya shrIs bris pa'i rgya dpe las bsgyur ba/ rdo rje gcod pa'i 'grel pa slob dpon dbyig gnyen gyis mdzad pa'i stod kyi cha/ byang chub tu sems bskyed pa'i cho ga dpal ldan klu sgrub kyis mdzad pa/ gso sbyong sdom chog ces bya ba bsnyen gnas 'bogs pa/ dge bsnyen gyi bslab pa bcu'i cho ga dag kyang klu sgrub kyis gsungs pa/ ye dharma'i 'grel pa brtag pa'i rdo rjes mdzad pa/ de bzhin gshegs pa thams cad la bstod pa slob dpon klu'i byang chub kyis mdzad pa/ shes rab kyi pha rol tu phyin pa tshigs su bcad pa dgu pa/ chos mngon pa'i de kho na nyid bshad pa slob dpon blo gros brtan pas mdzad pa'i dbu'i 'gyur/ bstan pa'i gtad rabs rnams la sngar 'gyur ba'ang yod mod kyi/ de la ma brten par bsgyur bar mdzad do/ mtshan nyid dang sngags skor gyi 'gyur bcos la sogs pa gnang ba ni/ chos kyi dbyings su bstod pa tshigs su bcad pa brgya dang sho lo ka gnyis yod pa slob dpon klu sgrub kyis mdzad pa nag tshos bsgyur ba'i 'gyur bcos/ dbu ma snang ba/ 'grel pa rtog ge 'bar ba dang sbyar ba'i zhu chen/ chu mo phag gi lo'i dbyar skyam mchad pa stengs su sku mtshams bsdams nas/ gsang 'dus kyi rgyud kyi rgya dper gcig 'grel pa sgron gsal gyi rgya dpe gsum/ lo chen 'gos pa tshab chag gi 'gyur bzhi la nam langs sa sros kyi bar gzigs shing tshig don la dpyad pa dpyis phyin pa'i zhu chen mdzad pas/ [A:108]rgyun ring ba'i stobs kyis bzhugs ston 'og tu rlan 'khyil ba'ang byung ste/ mdor na 'grel pa sgron gsal la 'gyur bcos rnam par dag pa dang / bdag byin gyis brlab pa'i rab tu dbye ba slob dpon 'phags pa lhas mdzad pa nag tshos bsgyur ba'i 'gyur bcos gnang / sbrul lo'i dgun rnam par snang mdzad mngon par byang chub pa'i rgyud kyi tshig 'grel slob dpon sangs rgyas gsang bas mdzad pa skad gsar chad kyis gtan la ma phab pas tshig gyong zhing go dka' ba la skad gsar chad kyis gtan la phab/ stag lung gi sde chen por bzhugs dus/ me tri pas mdzad