[B:45a] ma grub bar gyi 'bul ba gang byung rnams kyang bsngo ba'i bka' gnang ba ltar/ sa pho byi ba'i sos rmang bting ste yongs su rdzogs par [A:106]grub bo/ sku na gzhon pa'i dus su/ yum gyi nang rten du ston pa sangs rgyas kyi gser sku rgyab mtho gang ba bzhengs shing / dus phyis byang khar phebs nas/ chos kyi rgyal po spyan snga tshes gnyis rin po ches bzo rigs pa'i cha rkyen gnang ba dang / phyag tu gang yod dang bsgrubs pa'i zangs gser 'bul ba la gzhi slangs te/ rgyal ba ma pham pa'i gser sku rgyab mtho lnga tsam phra rgyan can/ shing bskos kyi khri rgyab yol gser chab zhus pa bzhengs te/ stag lo la rab tu gnas pa'ang mdzad do/ rgya dpe las gsar du bsgyur ba gong du cung zad smos kyang / 'dir phyogs gcig tu bgrang ba la/ sha wa ra'i bstod pa paNDi ta nags kyi rin chen gyis mdzad pa/ nags kyi rin chen gyi bstod pa bdun pa paNDi ta mi'i nyi mas mdzad pa/ dbang mdor bstan gyi mdor bshad slob dpon s'a dhu pu tras mdzad pa/ dpyid kyi thig le'i rgya cher bshad pa gsang ba chen po'i sgron ma slob dpon nag po pas mdzad pa/ bde mchog bcu gsum ma'i dkyil 'khor gyi cho ga paNDi ta nags kyi rin chen gyis mdzad pa/ kye rdor lha dgu'i sgrub thabs Dombi pas mdzad pa/ kye rdo rje'i sgrub thabs kyi 'grel pa kha che'i paNDi ta dngul gyi bum pas mdzad pa/ kye rdo rje'i sgrub thabs rab tu gsal ba sgra gcan gsang bas mdzad pa/ kye rdo rje'i sgrub thabs rnam par dag pa'i gter paNDi ta gnyis med rdo rjes mdzad pa/ rdo rje bdud rtsi gzhan gsum gyi mngon rtogs rgyud nas paNDi ta nags kyi rin chen gyis phyung ba/ gtum chen drag po'i mngon rtogs bde chen rdo rjes mdzad pa/ mi g.yo ba'i sgrub thabs rab tu dga' ba mngon par brjod pa paNDi ta ba na ratnas mdzad pa/ grub thob bdun gyis mdzad pa'i sgrub mtha' bdun pa/ srung ba lnga dang / gza' dgu'i mchod chog slob [A:107]dpon ham sa'i gsung la nags kyi rin chen gyi zin bris/ bla ma bsnyen bkur ba'i dka' 'grel mdzad byang med pa/ bla ma'i maNDal klu sgrub kyis mdzad pa/ tog tse pa'i bsam mi khyab ste/ sngags skor chos tshan bco brgyad