[B:46a] pa'i de kho na nyid rin po che'i 'phreng ba la 'gyur bcos zhu gsung / rgya dpe bod dpe phyag tu phul ba'i sku mdun gyi gral de nyid du 'gyur bcos gnang bas/ kun mkhyen ngag gi dbang po'i thugs la ya mtshan 'khrungs te/ snga gzigs dang 'gol ba la ma ltos byung bas/ skad dod byang nas tshegs med par snang zhes bsngags pa mdzad do/ yos lo'i dgun mtshan brjod kyi 'grel pa nyi ma dpal ye shes kyis mdzad pa'i chag 'gyur mi bde ba rnams la 'gyur bcos/ gzhan yang de kho na nyid bcu pa lhan skyes rdo rje'i 'grel pa dang bcas pa'i 'gyur bcos sogs mang dumadzad de/ phyis byung ba'i lo tsA ba la 'gyur mang shos su blo gros dang ldan pas nges par bya'o/ sngon ma 'gyur ba'i rgya dpe 'jam dpal gyi bya ka ra Na dang / rdo rje gcod pa'i 'grel pa smad bsgyur 'phro dang / chos mngon pa mdzod kyi 'grel bshad gnam lcags thog gzer du grags pa rnams/ spyan 'grib pa'i rkyen dang / spyan phye nas kyang yi ge phra ba mi gzigs pas/ bod du ma 'gyur ba'i thugs khral yang yang gnang ba la/ bdag gis 'gyur gyi do dam byed pa'i khas len zhus nas/ zha lu lo tsA bas bsgyur bas/ dgongs [A:109]pa yongs su rdzogs par bgyis so/ sbrulalo la yar lung gi ban de chung ma yod pa thams cad dmag la 'ded par brtsams pa la/ sne'u gdong rtser gong ma dpon blon gyi drung du/ sa'i snying po 'khor lo bcu pa'i mdo gzigs su phul nas/ rab byung bslab pa 'chal ba la'ang khral dmag bskal na/ thugs rgyud la sgrib pa sog pas de ltar mi gnang ba 'thad pa'i zhu yig phul nas/ dmag yig tu 'debs pa bshol thub pas/ btsun pa'i gzugs 'dzin pa rnams la'ang phan pa rgya cher gnang ba yin no/ mdo sngags kyi dgongs 'grel gyi brtsom pa mang du mdzad pa'i rags pa smos shing 'chad par 'gyur yang / zhib mor bka' 'bum gyi dkar chag las shes par bya ste/ 'dir yi ge mang dogs nas ma spros so/
20 zab pa dang rgya che ba'i gsung gi rgyun thams cad skyes bu chen po rnams kyis rjes su zlos pa'i 'phrin