[B:47b] kho bo'i 'dod chos rags pa grub par mdzad do/ [A:112]
22 mnal lam gyi 'jug pa yang sgyu ma'i rnam 'phrul ltar spyod nus pa zhes pa ni/
sku na shin du gzhon pa'i dus spyan g.yas kyi gzims spyil na khu bo slob dpon pa'i spyan sngar bzhugs pa'i nub cig gi rmi lam du pho brang zhes bya ba'i spyil po de'i nang na yar phebs pas de'i gung de na/ rje btsun mar pa lo tsA ba sku nyams dang ldan pa/ dbu skra lcang lo can/ na bza' dmar po/ ska rags rgya ma bcings pa/ sku phyam dkar po bzhes pa/ dgyes pa'i 'dzum mdangs dang ldan pa zhig grum ze sngon po kha dog ma nyams pa zhig gi steng na bzhugs 'dug pas/ thugs kyi dad pa'i stobs rab tu rgyas te spyan chab kyi rgyun gyis zhal gyis dkyil 'khor khebs bzhin pas phyag du ma btsal zhing / rjes su bzung bar gsol ba mang du btab pa'i tshe/ phyag gis spyi bor dbang bskur/ de nas dbang bzhi pa'i don la dris pas 'di'o zhes yang dag par gsungs pa thugs su byon nas thugs nyams 'ur te gsung gi nyams kyang mang du bton/ sku'i rnam par 'gyur ba'ang du ma zhig bskyangs pas slob dpon pa'i dgongs pa la/ 'di la gdon gyi gnod pa zhig byung ngam dgongs te/ dge bshes pa khyed la ci byung ba yin/ da lta bar ag ug mang gsung bas mnal sad par gyur to/ yang re zhig dge mor bzhugs dus mnal lam du/ chos rje mkha' spyod dbang po sku bong che rgyu med pa/ na bza' ngur smrig mnabs shing phyi na srab mo'i sku phyam bzhes pa/ dbu skra spyi ther du yod pa zhig dang mjal ba na rab tu dad pa'i stobs kyis dri ba mang du mdzad/ khyad par chos kyi rgyal po grags pa 'byung gnas de gang na 'khrungs zhus pas/ ldog spen ris kyi dgra [A:113]bcom pa blo gros rin chen gyi dgon pa'i zhol na 'khrungs yod gsung / sku skye de la phyag rgya chen po'i rtogs pa 'char bar 'dug gam zhus pas/ lus la de'i rtsa ma chags par snang / da de skye ba gsum na rtogs pa 'char bar 'gyur gsung / phyis su song dus chos rje mkha' spyod dbang po sku na gzhon pa'i dus su yum gyi go ma chod par dbu la me'i gnod pa byung nas dbu skra bzang po med cing /