[B:48a] sku gzugs cung zad thung ba yod pa'i lo rgyus dang mthun par byung zhes gsung ngo / yang lan cig yab yab yul grong nag mo na gzhugs pa snyam byed pa cig la de'i g.yul kha na tshur dpal rgod tshang pa chen po na bza' phyi gos skyer kha cig bzhes nas byon pa dang mjal bas/ thugs lhag par dad par gyur nas zhabs kyi drung du bsnyen pa dang / yang skabs shig tu chos rje bla ma dam pa bsod nams rgyal mtshan pa sku lus shin du che ba/ na bza' ngur smrig mnabs pa/ sku chos rkyang pa bzhes nas bzhengs pa zhig dang mjal bas thugs dad lhag par 'phel te gsol ba mang du btab bo/ mdang 'di ltar mjal gsung ba na bsam gling gzims khang gi sku 'dra sku tshad yin zer ba de dang 'dra bar gda' lags sam zhus pas shin du 'dra bar 'dug 'on kyang shangs de bas che ba snyam byed ces gsung ba de dag gis mtshon nas/ bla ma gong ma rnams dang mjal ba'i tshul mang du bka' gnang bar 'dug kyang / zin bris su ma thebs par snang ngo / dus lan cig rmi lam na/ lho brag yin zer ba'i lung pa phu byang du bstan pa/ mda' lhor bstan pa gcig gis phu na mar la zhal yang lhor phyogs shing thugs kyang skyo ba dang bcas te phebs pa na/ lung pa de'i ma zad na yar la gzugs mi dang 'dra zhing dbyibs grib ma'i rnam pa ring thung nam mkha' la snyeg pa gsum [A:114]nag ngam ngam byung bas/ ma gi rnams ci yin nam gsungs pas sku'i rgyab nas kyang grib ma 'dra ba zhig na re/ ma gi rnams bdud gnam la spyi rings bya ba yin zer bas bar du gcod par mkhyen nas/ der phyag gnyis kyi mthil nam mkha' la bstan nas rab tu rgyangs te/ bcom ldan 'das 'jigs mdzad rdo rje thugs la dran pa tsam gyis phyag gi mthil gnyis su zhabs dag bkod pa'i rdo rje 'jigs byed rab tu gsal zhing / sku bong shin du che ba zhig byon nas des phyag gnyis kyis mdun de nas pha wang chen po zhig blangs te bdud de rnams la rgyab pas bdud rnams thal ba'i rdul bzhin du brlag par mdzad gsung / de nas 'jigs mdzad de gar gshegs ji ltar mdzad zhus pas ma dran gsung / skabs cig mi g.yo ba brtul phod pa'i rgyud la