[A:101]bon yang dar bar mdzad do/ /zer ba 'dug mdor na bod 'bangs rnams lung gi chos la yid ches par bya ba'i phyir/ khro bo dkyil du nad pa dang / sman pa dang / mo ma rnams dang / bon bos shwa ba nam mkha' la 'gro shes pa sprul nas/ nad brtag pa dang / de la khrom rnams ngo mtshar skyes pas/ da ltar gyi nad pa 'di 'dra rnams las/ ches na ba'i ngan song gsum dang / 'khor ba'i sdug bsngal brjod pas yid ma ches/ spre'u'i gyad ha nu man tha'i sgrung bshad nas bod kyi rigs rgyud dang / las kyi 'bras bu sangs rgyas kyi gsungs pa mdo sde dang sbyar bas yid ches/ bslab pa gsum la 'god pa'i phyir/ bon byas nad pa gso las phan che ba'i bslab pa gsum gyi yon tan sangs rgyas kyi rgya gar du mdzad pa bcu gnyis mdzad pa'i dod por/ rgyal pos ra sa'i gtsug lag khang dang / mdzad pa bcu gnyis bstan pa'i lo rgyus yod cing / khro bo sme brtsegs kyi rgyab na mchod rten brgyad po bya ba yod do/ / de lta bu'i chos rgyal chen po 'di ni/ 'phags pa thugs rje chen po dngos yin par grags zhing / sangs rgyas kyi bstan pa'i srol legs po gtod nas/ dgung lo brgyad cu rtsa gnyis bzhes pa sa pho khyi lo shar ba'i stod la/ spyi dgos su zhal gdams mang du gsungs zhing / der rting rgyal po dang / bal bza' khri btsun/ rgya bza' kong jo yab yum gsum gar 'phrul snang gi gtsug lag khang byang mar/ rang byon bcu gcig zhal gyi thugs khar thims so/ /rgyas par bka' chems bka' khol mar blta bar bya'o/ /'ga' re rgyal po 'phan yul zal mo sgang du grongs zer ba 'dug ste/ blon po sna chen po dang se ru gung ston la sogs/