[A:102]gros la dbang ba rnams kyi bod 'bangs byin po spro ba bsring ba'i phyir du re zhig zal mo sgang du snyung ba skad dang / sku gshegs pa'i tshul byas par byed do/ /rgya bza' kong jo lcags mo glang lo la rgya nag nas byon/ bod yul du lo lnga bcu rtsa brgyad bzhugs par byed do/ /srong btsan bang so 'phyongs rgyas mda' ru btab/ /che chung tshad ni dpag chen mda' rgyang gang / /nang na lha khang lnga yang byas so so skad/ /bang so nang rgyan can du grags pa yin/ /bang so gru bzhir brtsigs pa de nas byung / /ming la smug ri smug po legs so skad/ /rje de dang / mon bza' khri lcam gyi sras/ gung srong gung btsan/ blon po ni/ mang po rje zhang snang dang / snubs btsan do res byas/ chab srid lo lnga bzung / dgung lo bco brgyad pa la 'das nas/ slar yang yab kyi rgyal srid bzung ba phyed mar bgrang skad/ gung srong bang so don mkhar mda' ru brtsigs/ /gral ni gnam ri srong btsan g.yon na yod/ / ming ni gung sri gung chen legs so skad/ /rje de dang / sha bza' kong jo mo rje'i sras/ mang srong mang btsan lo bcu gsum nas/ mes po 'das/ lo bco lnga'i bar la srid bzung / blon po mgar stong btsan yul zung dang / 'chi mas 'das gnyer gyi byas/ lo nyi shu rtsa bdun pa la gtsang gi bang snang du 'das so/ /mang srong bang so srong btsan g.yon na yod/ ming sdong shar sral po bya ba lags/ rje de dang 'gros khri se khri ma lod kyi sras/ 'dus srong mang po rje rlung nam 'phrul gyi rgyal po ni/ chu mo bya lo ba ste/ ma 'khrungs gong tsam du yab 'das/ 'khrungs 'phral nas dgung lo nyi shu rtsa dgu'i bar la srid bzung / 'di'i ring la bod du rol mo'i rnam grangs mang po 'byung ba'i snga ltas la/ rtsal po che mi bdun byung ba